International Standard Name Identifier

L'Identificador Estándar Internacional de Nomes (ISNI, sigles del so nome n'inglés: International Standard Name Identifier) ye un sistema pa identificar de forma inequívoca les identidaes públiques de quien contribúin a conteníos en medios como llibros, programes de televisión y artículos de periódicos. Esti identificador ta formáu por 16 díxitos. Puede, opcionalmente, presentase estremáu en cuatro bloques.

Desenvolvióse colos auspicios de la ISO como Borrador de Norma Internacional 27729; la norma válida publicóse'l 15 de marzu de 2012. El comité téunicu 46, subcomité 9 (CT 46/SC 9) ye responsable del desenvolvimientu de la norma.

El ISNI puede utilizase pa esaniciar ambigüedaes en nomes qu'otra manera podríen confundise y venceya los datos sobro nomes que s'arrexunten y utilicen en tolos sectores de la industria de los medios.

El ISNI dexa qu'una sola identidá (tal como'l seudónimu o'l pie d'imprenta utilizáu por un editor) seya identificada utilizando un solu númberu. Esti númberu únicu puede entós venceyase con cualesquier de los munchos otros identificadores que s'utilicen nes industries de los medios pa identificar nomes y otres formes d'identidá.

Un exemplu del usu d'un númberu como ese ye la identificación d'un intérprete musical que tamién ye escritor tantu de música como de poemes. Magar podría identificase en munches bases de datos distintos utilizando numberosos sistemes d'identificación privaos o públicos, col sistema INSI tendría un solu rexistru d'enllaz ISNI. Les munches bases de datos distintos podríen, pos, intercambiar datos sobro esa identidá particular ensin tener que recurrir a métodos enrevesaos como la comparanza de cadenes de testu. Un exemplu que podría citase n'asturianu ye la dificultá atopada cuando s'identifica a 'María García' nuna base de datos. Magar puede haber munchos rexistros pa 'María García', non siempres va tar claru qué rexistru se refier a la 'María García' específica que se #riquir.

Si un autor publicó so diversos nomes o seudónimos, cada unu d'ellos va recibir el so propiu ISNI.

Les biblioteques y archivos pueden usar el ISNI cuando comparten información de los sos catálogos, pa una busca d'información en llinia y en bases de datos más precisa, y puede ayudar a la xestión de derechos más allá de les fronteres nacionales y na redolada dixital.

L'identificador ORCID (pol so nome n'inglés: Open Researcher and Contributor ID) consiste nun bloque d'identificadores ISNI reservaos pa investigadores académicos y alministráu por una organización distinta.^[1] Los investigadores pueden crear y reclamar el so propiu identificador ORCID Dambes organizaciones coordinen los sos esfuercios.^[2]

El ISNI ye xestionáu por una Axencia Internacional', comúnmente conocida como la ISNI-IA Esta compañía ensin ánimu d'arriquecimientu, rexistrada nel Reinu Xuníu, foi fundada por un consorciu d'organizaciones del que formen parte la Confédération Internationale des Sociétés d'Auteurs et Compositeurs (CISAC), la Conference of European National Librarians (CENL), la International Federation of Reproduction Rights Organisations (IFRRO), la International Performers Database Association (IPDA), el Online Computer Library Center (OCLC) y ProQuest.^[3][4] Ta rexida por direutores propuestos por estes organizaciones y, nel casu de la CENL, por representantes de la Bibliothèque nationale de France y la British Library.

La ISNI-IA utiliza un sistema de asignación qu'entiende una interfaz d'usuariu, un esquema de datos, dixebra, algoritmos y bases de datos que cumplen coles esixencies de la norma ISO, ente que tamién utilicen la teunoloxía esistente onde ye posible. El sistema ta basáu en primer llugar nel serviciu VIAF (Ficheru d'Autoridaes Virtual Internacional) que desenvolvió'l OCLC pa utilizalo nel agregamientu de catálogos de biblioteques.

L'accesu a al sistema y base de datos de asignación y a los númberos que se xeneren como resultancia del procesu tán controlaos por organismos independientes conocíos como axencies de rexistru. Estes axencies de rexistru traten direutamente colos veceros, asegurándose de que los datos suministranse en formatos apropiaos y compensáu a la ISNI-IA pol costu de caltenimientu de sistema de asignación. La ISNI-IA noma les axencies de rexistru pero se xestionen y financien independientemente.

• Control d'autoridaes
• International Standard Text Code (ISTC)
• ResearcherID

• Páxina web oficial (n'inglés)