Carpi Football Club 1909

Al Chèrp (Carpi Football Club 1909) l'è na squèdra ed balòun ed Chèrp, in pruvèinza ed Mòdna.

La squèdra al l'à fàta 'l Adolfo Fanconi in dl'istê dal 1909 e la s ciamèva Jucunditas (dal latèin = "felicitê"), e pò dop i l'an ciamèda Associazione Calcio Carpi un quèlch an dop.^[1].

Tra 'l 1964 e 'l 1966 l'à zughê in serie C, ma pò l'è turnê in serie D. Al gh'l à cavèda ed turnèr in dla serie C in dla stagiòun 1974-75, ma ala fin 'l è rivê 20° e 'l è blisghê n'etra volta in D. Da 'l 1989 a 'l 1999 'l à zughê in dla serie C1. In sti an l'è steda dimondi bèla la stagiòun 1996-97, quand la squèdra l'è rivèda térza e l'à zughê i playoff: dòp ch'l à cazê fóra al Saronno in dla semifinèla, a s pudìva anc pruvèr a rivèr a la serie B, mo i àn pers 2-3 la finêl ch'i àn zughê a Frèra cun al Monza.

In dal 2000, dòp un an in C2 ch'l è finî cun la squèdra mandèda indrê in Serie D, l'Associazione Calcio Carpi la và in malóra. Alóra la vin cumprèda da 'l Calcio Carpi, ch'al zóga al campionato di Eccellenza. In dal 2002 al Carpi Football Club 1909 al và a 'l post edla socetê 'd prìma. La nóva socetê la zóga in Serie D, e tót i an la riva circa a mèza via dla classifica. In dal 2009-2010 i carpśàn i rìven secònd dòp dal Pisa e i pólen finalmèint zughèr i play-off. Al 4 agòst 2010 al Chèrp al vin tòt indrê in Lega Pro Seconda Divisione (C2) e acsè dòp déś an al tórna a zughèr da profesionésta.

Al 28 'd avrîl 2015 al Carpi al gh'la chèva 'd pasèr in dla serie A^[2].

Al camp indóv as zóga 'l è al stadio Sandro Cabassi ed Chèrp (erba, mt. 105,60 x 66,05) ch'al gh'à 2860 pôst: Tribùna sentrèla 455, Tribùna dal cô est 515, Tribuna dal cô ovest 515, Sernî 1375.

I culōr dla divisa dal Chèrp i ìn gl'istèss edla bandéra dla sitê: al biànch e al ròss.

N.	Posiziòun	Zugadōr
	P	Elia Antonio Bastianoni
	P	Cristian Mandrelli
	D	Fabio Caselli
	D	Alessandro Dascoli
	D	Francesco Gagliardi
	D	Fabrizio Poli
	D	Vincent Laurini
	D	Lorenzo Marietti
	C	Gabriele Cioffi
	C	Carlo Bigoni
	C	Giacomo Cenetti
	C	Antonio Di Gaudio
	C	Mirko Di Martino
	C	Simone Francia
	C	Lorenzo Pasciuti
	C	Marco Perini
	C	Alessandro Prandi
	C	Nicola Sogus
	C	Diego De Souza Simoes
	C	Ahmed Guilouzi
	A	Mattia Nicolini
	A	Riccardo Paganelli
	A	Simone Malatesta
	A	Giuseppe Giglio
	A	Luigi Cicino

In 91 stagiòun, s'a tacòm a cuntèr da quand la FIGC l'à tachê a tgnir-'gh adrē in dal 1914:

• 79 campionati nazionali
• 12 campionati regionali

In 79 stagiòun da l'inìssi a livèl naziunèl in dal 1922:

In 12 stagiòun da l'inìssi a livèl dla regiòun in dal 1914:

• (IT) Sito Ufficiale del Carpi FC