Râǵ edla Tèra

Al râǵ edla Tèra 'l è la distànsa da 'l sèinter edla Tèra infìn ala só superfìsi da stèr a 'l livêl medi dal mêr.
Sènd che la Tèra la nn'è mia propi na sfera perfèta, mo l'è piò cumpàgn'a 'n elisòid schisê in dû a ghe stà i dū Pôl (Pôl nord e Pôl sud), la lunghèsa dal só râǵ l'è diferèinta a secònda in dû a gh's tōś al mśùri.
Cla lunghèsa chè la vin anc tolta in dl'astrunumìa e in dla giulugìa c'ma unitê de mśùra scrivènd ${\displaystyle R_{\oplus }}$.

Al só râǵ equatoriêl, (o metê as magiōr), a dìr quèl ch'al 'riva infìn a 'l meridiàṅ edl'equatōr, 'l è 'd 6.378,137 kilòmeter.

Al só râǵ polêr (o metê as minōr), a dìr quèl ch'al 'riva infìn a ùn di dū Pôl, 'l è lung 6.356,7523 kilòmeter^[1].

Al râǵ medi edla Tèra (scrìt ${\displaystyle R_{1}}$), secònd la definisiòun ch'l'in dà l'Asociasiòun Internasionèla dla Geodeśìa e dla Geofìśica (IUGG) 'l è:

${\displaystyle R_{1}={\frac {2a+b}{3}}\,\!}$

in dû ${\displaystyle a}$ 'l è al râǵ equatoriêl e ${\displaystyle b}$' 'l è al râǵ polêr, e dòunca, fàt i còunt, al râǵ medi dla Tèra al dvèinta 6.371,009 kilòmeter.

Al só râǵ equivalèint medi (scrìt ${\displaystyle R_{2}}$), catê a partìr dala superfìsi edla Tèra e pinsènd-la c'ma ch'la fùs na sfera, 'l è:

${\displaystyle R_{2}={\sqrt {\frac {A}{4\pi }}}\,\!}$

ch'i dvèinten 6.371,0072 kilòmeter.

Al só râǵ volumètric medi (scrìt ${\displaystyle R_{3}}$), 'l è quèl ch'a s cata a partìr da 'l v'lùm edla Tèra e pinsènd-la sèimper c'ma na sfera:

${\displaystyle R_{3}={\sqrt[{3}]{a^{2}b}}\,\!}$

ch'al dvèinta 6.371,0008 kilòmeter.

• râǵ (giumetrìa)
• sfera (giumetrìa)
• elisòid
• geòid
• equatōr
• pôl geogràfic
• superfìsi edla Tèra

• Wikimedia Commons contiene file multimediali su Râǵ edla Tèra

• (EN) 'N video cun dal spiegasiòun in sìm'a 'l râǵ edla Tèra dal'Universitê ed Nottingham
• (EN) La spiegasiòun ed 'n elisòid in dal sit MathWorld