De quinque corporibus regularibus

De quinque corporibus regularibus, a dir In sìm'ai sinc corp regulêr (Sui cinque corpi regolari in itagliàn) 'l è ùn di tratê scrìt in latèin da 'l Piero della Francesca in di an edla só maturitê, intór'n a 'l 1480.
Al studiōś al gh'descòr, cun anca dimòndi eśèimpi 'd disègn tecnic, del particolaritê di sinc sòlid regulêr ch'i gh'la chèven 'd stèr dàinter precīś ala só sféra sircuscrìta. Al Piero al tōś ispirasiòun dai stès stùdi che anc al Platòun 'l ìva tachê, mo a diferèinsa ed lalò, al Piero al tîn de più drē ai amśurasiòun teòrichi di sinc sòlid, in vista ed psér-i piturèr c'ma l'êrt la ghe cmànda.
Al librèt manuscrìt 'l è tgnû da cât in dla Sitê dal Vaticàṅ^[1].

• 
  Al tetraéder
• 
  Al cûb
• 
  'N otaéder ch'al prìla dàint'r ala só sféra sircuscrìta
• 
  Al dodecaéder
• 
  'N icośaéder drē a prilèr dàint'r ala só sféra sircuscrìta

• Piero della Francesca
• giumetrìa
• disègn tècnic
• sòlid regulêr
• Platòun

• (IT) Na spiegasiòun dal tratê in sìm'a museogalileo.it
• (IT) Na spiegasiòun matemàtica dal tratê in dla reda
• (LA), (IT) e (EN) Soquànt Tratê dal Piero comèintê, riasùnt e tradòt in sìm'a Archive.org