C.P.D. Tref Y Barri
 | |||
| Enw llawn | Clwb Pêl-droed Tref Unedig y Barri | ||
|---|---|---|---|
| Llysenw(au) | Y Dreigiau | ||
| Sefydlwyd | 1912 | ||
| Maes | Parc Jenner | ||
| Cadeirydd |
 Stuart Lovering | ||
| Rheolwr |
Gavin Chesterfield | ||
| Cynghrair | Uwch Gynghrair Cymru | ||
| 2023/24 | 10. | ||
| |||
Clwb pêl-droed o'r Barri, Bro Morgannwg ydy Clwb Pêl-droed Tref Unedig Y Barri (Saesneg: Barry Town United Football Club). Mae'r clwb yn chwarae yn Uwch Gynghrair Cymru, prif adran pêl-droed yng Nghymru ac maent wedi bod yn bencampwyr ar saith achlysur. Maent hefyd wedi codi tlws Cwpan Cymru ar chwech achlysur. Mae'r clwb hefyd yn cynnwys o fewn ei strwythur C.P.D. Merched Tref y Barri Unedig.
Hanes
[golygu | golygu cod]Blynyddoedd cynnar
[golygu | golygu cod]Mae hanes o sawl clwb pêl-droed yn nhref Y Barri yn dyddio o 1892 gyda chlybiau Barry and Cadoxton District, Barry Unionist Athletic, Barry United Athletic a Barry District yn chwarae yn y dref. Chwaraeodd y chwaraewr rhyngwladol, Ted Vizard i glwb Barry District yn ystod tymor 1909-1910.[1]
Chwarae yn Lloegr
[golygu | golygu cod]Ym 1912 ffurfiwyd Clwb pêl-droed Y Barri a cafodd y clwb eu derbyn yn aelodau o Ail Adran Cynghrair De Lloegr (Saesneg: Southern League) yn 1913-14[2]. Wedi'r Rhyfel Byd Cyntaf llwyddodd Y Barri i ennill Cynghrair De Lloegr (Adran Gymreig) ym 1920-21[2] a cheisio sicrhau lle yng Nghynghrair Bêl-droed Lloegr. Er gorffen yn yr ail safle tu ôl i'r Barri, Aberdâr ymunodd â Charlton Athletic yn cael eu hethol i Drydedd Adran (Y De) o Gynghrair Bêl-droed Lloegr ar gyfer 1921-22.[3]
Ceisiodd y clwb am aelodaeth o'r Gynghrair Bêl-droed unwaith eto ar ddiwedd tymor 1946-47 ond cafodd Mansfield Town, Norwich City, Halifax Town a Southport eu hethol heb wrthwynebiad.
Ym 1955, llwyddodd Y Barri i godi Cwpan Cymru am y tro cyntaf yn eu hanes wrth guro Dinas Caer 4-3 ar Barc Ninian, Caerdydd yn dilyn gêm gyfartal 1-1 ar Y Cae Ras, Wrecsam.[4]
Ym 1981-82 ymddiswyddodd Y Barri o Gynghrair De Lloegr er mwyn canolbwyntio ar eu tîm yng Nghynghrair Cymru (Y De) gan ennill y Bencampwriaeth ar chwe achlysur cyn ail ymuno â Chynghrair De Lloegr ym 1989.[1]
Dychwelyd i Gymru
[golygu | golygu cod]Gyda sefydliad Cynghrair Cenedlaethol Cymru treuliodd Y Barri dymor yn chwarae eu gemau cartref yng Nghaerwrangon[1] cyn dychwelyd i Gymru a sicrhau dyrchafiad o Gynghrair Cymru (Y De) ym 1993-94.[5]
Maes Cartref
[golygu | golygu cod]Maes cartref tîm dynion a merched Y Barri yw Stadiwm Parc Jenner. Mae'r stadiwm yn eiddo i'r Bwrdeistref ac yn cael ei ddefnyddio ar gyfer athletau yn ogystal â gemau pêl-droed. O ganlyniad, mae bwlch rhwng yr eisteddleoedd a'r cae chwarae ei hun er mwyn cynnwys trac rhedeg.
Anrhydeddau
[golygu | golygu cod]- Uwch Gynghrair Cymru: 7
- Pencampwyr: 1995–96, 1996–97, 1997-98, 1998-99, 2000-01, 2001-02, 2002-03
- Cynghrair De Lloegr
- Pencampwyr: 1920-21
- Cwpan Cymru: 6
- Enillwyr: 1954–55, 1993–94, 1996–97, 2000–01, 2001–02, 2002–03
- Cwpan Cynghrair Cymru: 4
- Enillwyr: 1996–97, 1997–98, 1998–99, 1999–2000
Cyfeiriadau
[golygu | golygu cod]- ↑ 1.0 1.1 1.2 "Barry Town United FC: History". Unknown parameter
|published=ignored (help) - ↑ 2.0 2.1 "RSSSF: Southern League Tables". Unknown parameter
|published=ignored (help) - ↑ "A History of Admission to the Football League". Unknown parameter
|published=ignored (help) - ↑ "Welsh Cup Final 1955". Unknown parameter
|published=ignored (help) - ↑ "Welsh League Table 1993-94". Unknown parameter
|published=ignored (help)
| Uwch Gynghrair Cymru, 2021–2022 | ||
|---|---|---|
|
Aberystwyth |
Caernarfon |
Cei Connah |
Derwyddon Cefn |
Hwlffordd |
Met Caerdydd | |