PRELIB

Bodañ a ra an bon roadennoù prozopografek al lennegezh vrezhonek daveennoù diwar-benn 1500 oberour. Produet e vez roadennoù diaoz evit o tispakañ en ur doujañ da bennaennoù ar Wiadenn steradel. Implijet e vez teskadoù daveiñ perzhek evel IdRef ha Wikidata. Ouzhpenn an oberourien vrezhonek e vez renablet titouroù diwar-benn pep den en doe bet liammoù gantañ evel an troourien, ar vignoned, ar genlabourien, oberourien an oberennoù o doe puorvezet mammennoù hag all.

Tro-dro d'an takadoù ma vez produet oberennoù lennegel e-leizh e kaver takadoù bihannoc'h, staget ouzh ar re vrasañ d'an aliesañ, e-lec'h ma kaver kreizennoù brudetoc'h hag illuroc'h ablamour m'o deus anavezadurioù stankoc'h ha kreñvoc'h. Ar pezh a grou an trobarzhioù lennegel a zo ar pellaat pe egoel pe sokial pe vroadel pe ideologel pe sokioyezhoniel pe gefredel pe bolitikel. Diouzh ar pellaat e c'hell dont torgammoù e-keñ ar reolennoù degemeret en takadoù lennegel bras.

Diouzh ergerzhadur an etretestennelezh-se e c'heller sevel ur sell nevez war al lennegezh vrezhonek ha war lennegezhioù ar seurt (lennegezhioù rannvroel, da gentañ) pa soñjer mat ez eus ur spluiested boas etre al lennegezhioù kenkoulz ha ma'z eus etre an homm maezoù arzhel.

N'eus ket eus ur saviadur trobarzhel ma ne zeufe ket eus e darempredoù diavaez hag eus perzhioù ar maez lennegel diabarzh asamblez, evel me voe bet displeget gant Pierre Bourdieu e 1991^[1].

• Blanchard, Nelly, Pressac, Jean-Baptiste et Thomas, Mannaig, « Quand l'informatique soulève des questions épistémologiques dans le domaine de la littérature de langue bretonne : l'exemple de la base de données PRELIB », e-barzh La Bretagne Linguistique, n° 21, Brest, CRBC, 2017.
• Nelly Blanchard, Jean-Baptiste Pressac et Mannaig Thomas, « PRELIB, base de données sur les acteurs du domaine littéraire en langue bretonne », Lengas [En ligne], 84 | 2018, lakaet enlinenn d'ar 15 Gouere 2018,. URL : http://journals.openedition.org/lengas/1754 ; DOI : 10.4000/lengas.1754

• Mannaig Thomas, « Le Festival du livre en Bretagne ou comment un lieu de sociabilité sert à entretenir l’illusio », COnTEXTES [En ligne], 19 | 2017, enlinenn 22 Kerzu 2017, brassellet d'an 11 C'hwevrer 2021. URL : http://journals.openedition.org/contextes/6338 ; DOI : 10.4000/contextes.6338
• Mannaig Thomas ha Nelly Blanchard (renerezh), Dire la Bretagne,Presses universitaires de Rennes, 2016
• Mannaig Thomas ha Nelly Blanchard (renerezh), Des littératures périphériques, Presses universitaires de Rennes, 2014

Meret e vez ar bon roadennoù gant MySQL hag eo enframmet en endalc'h e-barzh Django. N'eus ket tu kargañ ar roadennoù, met e c'hell brassllout warno dre al lec'hienn WEB pe degas anezho dre un etrefas atersiñ SPARQL Endpoint, da lavared eo dre ul langaj reketiñ a c'hell dispakañ an disoc'hoù diwar mentoù dibar : JSON, XML, RDF, CSV.

• Pajenn degemer PRELIB