El Greco

El Greco (Candia, 1541 – 7 a viz Ebrel 1614 Toledo) a oa lesanv ul livour spagnol, anvet Δομήνικος Θεοτοκόπουλος (Doménikos Theotokópoulos), hag ar gwellañ eus livourien an Azginivelezh e Spagn. Genidik e oa eus Kreta, a oa dalc'het neuze gant Republik Venezia, ha kreizenn an arz bizantat nevez. Ur mestr e teuas da vout en doare-livañ-se a-raok mont da Venezia pa oa 26 vloaz, evel arzourien all eus Hellaz en e raok. E 1570 ez eas da Roma, ma tigoras ur stal-livañ ha ma krogas da labourat.