Hari Raya Haji

Hari Raya Haji Hari Raya Kurban "Iduladha"
Dua-dua wayah Hari Raya Haji.
Dirayaakan ulih	Muslim wan Druze[1]
Jenis	Hari Raya Umat Muslim
Makna	Mamparingati kajadia panyumbalihan Nabi Ismail ulih abahnya, Nabi Ibrahim Tanda puncaknya rangkaian ibadah haji ka Makkah
Parayaan	Sambahyang Hari Raya Mailangi kulawarga wan bubuhan dangsanak Makan ganal baimbai (kaya randang, bakso, sati, rawan, gulai kambing, kari kambing, roti canai, semur, nasi kabuli, nasi briyani, wan nasi basanga) Mamuruk pakaian nang pambaiknya Mamakai minyak harum Mambari duit gasan kakanakan Manulungi pakir miskin lawan mambari makanan, duit, daging, wan pakaian yaitu matan jakat
Kagiatan	Sambahyang Hari Raya Manyumbalih kambing, domba, sapi, hadangan, atawa unta Mambari sapatalu daging kurban gasan kawal wan jiran Mambari sapatalu daging kurban gasan pakir miskin wan urang-urang nang mamarluakan
Mulai	10 Julhijah
Tuntung	13 Julhijah
Tanggal	20 Juli 2021[2]
Tarait lawan	Haji Umrah Hari Raya Pitrah Hari Tasrik

Hari Raya Haji adalah sabuah hari raya Islam. Wayah hari ngini diparingati kajadian kurban, yaitu wayah Nabi Ibrahim, nang basadia gasan mangurbanakan anak lalakiannya Ismail gasan Allah, imbahnya sumbalihan ngitu digantiakan ulih-Nya lawan domba.

Wayah hari raya ngini, umat Islam bakumpul wayah baisukan wan manggawi sambahyang Hari Raya baimbai di tanah ligar atawa di masigit, kaya wayah marayaakan Hari Raya Pitrah. Imbah sambahyang, digawi panyumbalihan hiwan kurban, gasan mamparingati parintah Allah gasan Nabi Ibrahim nang manyumbalih domba gasan pangganti anak lalakiannya.

Hari Raya Haji gugur wayah tanggal 10 bulan Julhijah, hari ngini gugur parsis 70 hari imbah parayaan Hari Raya Pitrah. Hari ngini jua baumpat hari-hari Tasrik diharamakan puasa gasan umat Islam.

Pusat parayaan Hari Raya Haji adalah sabuah disa halus di Arab Saudi nang bangaran Mina, parak Makkah. Di sini ada talu tihang batu nang malambangakan Iblis wan musti ditawaki batu ulih umat Muslim nang rahatan naik haji.

Hari Raya Haji adalah puncaknya ibadah Haji nang digawi umat Muslim. Bahanu Hari Raya Haji disambat jua sawagai Hari Raya Kurban atawa Iduladha.

1. ^ Kadi, Samar (25 September 2015). "Eid al-Adha celebrated differently by Druze, Alawites". The Arab Weekly. London. Diarsipkan dari versi asli tanggal 12 December 2017. Diakses tanggal 1 August 2016. 
2. ^ "The Umm al-Qura Calendar of Saudi Arabia". R. H. van Gent. Diakses tanggal 27 May 2016.