Danaw

Danaw^[1] atawa Danau^[2] adalah saejumlah Banyu/banyu (hambar atawa masin) nang ta'akumulasi di suatu wadah nang mantuk lumbah, nang kawa tajadi marga mancairnya gltser, aliran sungai, atawa marga adanya sumbar. Biasanya danaw kawa dipakai sabagai sarana rékréasi dan ulahraga.

Danaw adalah cekungan ganal di pamukaan bumi nang dicalapi lawan banyu kawa tawar atawa jua masin nang sabarataan cekungan itu dikulilingi wan daratan.

Kabanyakan danaw adalah banyu hambar dan jua banyak ba'ada di balahan bumi utara di katinggian nang labih atas.

Sabuah danaw periglasial adalah danaw nang di salah asanya tabantuk lapisan és, "ice cap" atawa gletser, és ini manukupi aliran banyu kaluar danaw.

Istilah danaw gin diguna'akan gasan manggambarakan fénoména nangkaya Danaw Eyre, di mana danaw ini karing di banyak waktu dan wastu taisi di wayah musim hujan. Banyak danaw adalah ulahan wan kurinah dibangun gasan panyadiaan tanaga listrik-hidro, rekreasi (bakunyung, salancar angin, dll), pasadiaan banyu, dll.

Pinlandia dipinandui sabagai "Banua Saribu Danaw" dan Minnesota dipinandui sabagai "Banua Sapuluh Ribu Danaw". Great Lakes di Amirika Utara gin ma'ampuni asal matan jaman es. Sakitar 60% danaw dunia ba'andak di Kanada; ini dimarga'akan sistim pangaliran kacau nang manduminasi nagara ini.

Di bulan ada wilayah kaap barbasal, mahirip mare bulan tagal labih halus, nang disambat lacus (matan bahasa Latin nang baarti "danaw"). Itu pang nang dikikira'akan ulih bubuhan astronom sabagai danaw.

Bapandalakan parusis tajadinya, danaw dibidakan :

1. danaw tektonik yaitu danaw nang tabantuk akibat panurunan muka bumi marga batandarnya/pagisiran / patahan
2. danaw vulkanik yaitu danaw nang tabantuk akibat aktivitas vulkanisma / gunung baapi
3. danaw tektovulkanik yaitu danau nang tabantuk akibat pangambuhan aktivitas tektonisma dan vulkanisma
4. danaw bendungan alami yaitu danau nang tabantuk akibat lambah sungai tatabat ulih aliran lava wayah erupsi tajadi
5. danaw karst yaitu danaw nang tabantuk akibat palarutan tanah kapur
6. danaw glasial yaitu danaw nang tabantuk akibat mancairnya es / karingnya dairah es nang limbah itu taisi banyu
7. danaw ulahan yaitu danaw nang tabantuk akibat aktivitas manusia

• Danau pangganalnya di dunia adalah Laut Kaspia. Dengan luas permukaan 394.299 km², ia memiliki wilayah nang taganal daripada anam danau pangganalnya berikut digabungkan manjadi asa.
• Danau banyu tawar pangganalnya, dan kadua pangganalnya adalah Danau Superior lawan luas permukaan 82.414 km².
• Danau pandalamnya adalah Danau Baikal di Siberia, lawan kadalaman 1.741 meter (5.712 kaki).
• Danau paningginya nang kawa dinavigasi adalah Danau Titicaca, pada ketinggian 3.821 m di atas permukaan laut. Inya gin merupakan danau pangganalnya kedua di Amirika Salatan.
• Danau parandahnya di dunia adalah Laut Mati, pada 396 m (1.302 kaki) di bawah permukaan laut. Inya gin merupakan danau nang memiliki konsentrasi uyah paling tinggi.
• Pulau pangganalnya di tangah danau air hambar adalah Pulau Manitoulin di Danau Huron, lawan luas permukaan 2.766 km².
• Danau pangganalnya nang ba'andak di pulau adalah Danau Nettiling di Pulau Baffin.
• Danau Toba di pulau Sumatra saku ba'andak di kawah gunung berapi pasif pangganalnya di dunia.

• (Bahasa Inggris) Lists of the highest lakes in the US and the world
• (Bahasa Inggris) Lake Classification Systems Archived 2008-02-12 at the Wayback Machine