Ганна Аўстрыйская (1549—1580)

Ганна Аўстрыйская (2 лістапада 1549 — 26 кастрычніка 1580) — чацвёртая жонка караля Іспаніі Філіпа II.

Ганна Аўстрыйская
ням.: Anna von Österreich ісп.: Ana de Austria
каралева-кансорт Іспаніі 1570 — 1580
Папярэднік	Елізавета Валуа
Пераемнік	Маргарыта Аўстрыйская
каралева-кансорт Партугаліі 12 верасня 1580 — 26 кастрычніка 1580
Папярэднік	Кацярына Аўстрыйская
Пераемнік	Маргарыта Аўстрыйская
Нараджэнне	1 лістапада 1549 Palace of the Counts of Benavente, Cigales[d], Cigales[d], правінцыя Вальядалід, Кастылія і Леон, Іспанія
Смерць	26 кастрычніка 1580 (30 гадоў) Бадахос, правінцыя Бадахос, Эстрэмадура, Іспанія
Месца пахавання	Каралеўская крыпта ў Эскарыяле[d]
Род	Габсбургі
Бацька	Максіміліян II Габсбург[1]
Маці	Марыя Іспанская[1]
Муж	Філіп II Габсбург[1][2]
Дзеці	Дыега, прынц Астурыйскі[d][3], Філіп III[1], Фердынанд, прынц Астурыйскі[d], Infante Carlos Lorenzo of Spain[d][3] і Infanta Maria of Spain[d][3]
Веравызнанне	Каталіцкая Царква
Медыяфайлы на Вікісховішчы

Яна была старэйшай дачкой імператара Максіміліяна II і яго жонкі Марыі Іспанскай, дачкі імператара Карла V. Першапачаткова яна таксама як і трэцяя жонка Філіпа II Елізавета Валуа прызначалася ў жонкі спадчынніку іспанскага прастола Дону Карласу, але ён нечакана памёр 24 ліпеня 1568 года. У тым жа годзе 3 кастрычніка памерла і Елізавета Валуа з-за няўдалых родаў. Кароль Філіп II застаўся такім чынам і без жонкі, і без спадчынніка прастола. У 1570 г. Ганна прыбыла ў Мадрыд у суправаджэнні сваіх братоў Альбрэхта і Венцэля, якія засталіся ў Іспаніі, каб атрымаць адукацыю пры каралеўскім двары. 12 верасня 1570 года ў Сеговіі Філіп II ажаніўся з Ганнай. Яна даводзілася яму пляменніцай, яе маці была роднай сястрой караля Іспаніі.

У 1571 г. яна нарадзіла першынца Фердынанда. Аднак з пяці народжаных ёю дзяцей толькі чацвёрты, Філіп, дажыў да паўналецця і стаў пасля каралём Іспаніі Філіпам III. У 1580 г. Ганна з мужам паехалі ў Партугалію, каб заявіць свае правы на партугальскі прастол пасля смерці караля Энрыке, які не пакінуў пасля сябе спадчыннікаў. Яны даехалі да Бадахоса, дзе кароль сур’ёзна захварэў нагрып. Даглядаючы мужа, Ганна таксама заразілася грыпам і памерла ва ўзросце трыццаці гадоў.