Беларускі саюз журналістаў

Беларускі саюз журналістаў
Беларускі саюз журналістаў
Абрэвіятура	БСЖ
Дэвіз	Журналістыка — не элітарны клуб. Гэта — лёс
Краіна	Беларусь;
Адрас	Мінск, вул. Сурганава, д. 48а
Юрыдычны статус	грамадскае аб’яднанне
Мэта	ажыццяўленне свабоды слова
Тып арганізацыі	прафесійнае
Кіраўнікі
Старшыня	Анатоль Лемяшонак
Заснаванне
Дата заснавання	5 сакавіка 1959 (65 гадоў таму)
Колішняя назва	Саюз журналістаў Беларусі (да 1995 года)
Галіна	прафесійная асацыяцыя[d]
Кіроўны орган	Рада
Матчыная арганізацыя	РКСКППГА
Член у	2 тыс. журналістаў (2010)
www.buj.by

Беларускі саюз журналістаў — грамадскае аб’яднанне прафесійных творчых работнікаў сродкаў масавай інфармацыі Беларусі^[2], заснаванае ў 1959 годзе^[3]. З 2001 года прымае ўдзел у Рэспубліканскім каардынацыйным савеце кіраўнікоў палітычных партый і грамадскіх аб’яднанняў^[4]. З 18 кастрычніка 2005 года пасаду старшыні займае Анатоль Лемяшонак^[5]. У 1995 годзе ў складзе саюза было больш за 3400 членаў^[6].

Кіраванне

З’езд. Склікаецца аднойчы на 5 гадоў. Абсалютнай большасцю галасоў прадстаўнікоў вызначае кірункі дзейнасці, змяняе Статут, абірае старшыню, яго 1-га намесніка, Раду, Кантрольна-рэвізійную камісію і Камітэт па прафесійнай этыцы.
Рада. Склікаецца штогод. Правамоцная пры наяўнасці 2/3 членаў. Выконвае пастановы З’езда і кіруе ўласнасцю саюза. Абірае намеснікаў старшыні. Утварае Сакратарыят і Камітэт па абароне свабоды слова і правоў журналістаў. Вызначае зносіны з іншымі грамадскімі аб’яднаннямі. Ухваляе творчыя спаборы і ўзнагароджанне журналістаў. Вызначае велічыню сяброўскіх укладаў і зацвярджае выданні саюза.
Сакратарыят. Збіраецца штомесяц. Распрацоўвае мерапрыемствы і бюджэт. Ухваляе пастановы аб выдатках на мерапрыемствы, а таксама прызначэнне і аклады рэдактараў выданняў.
Кантрольна-рэвізійная камісія. Правярае грашовую справаздачнасць суполак, прадпрыемстваў і ўстаноў саюза.

Мэты дзейнасці

усебаковае садзейнічанне ажыццяўленню і рэалізацыі прынцыпаў свабоды слова і друку, пашырэнню інфармацыйнай прасторы, умацаванню прававой базы дзейнасці ўсіх бакоў інфармацыйнага працэсу;
актыўны ўдзел у стварэнні неабходных умоў функцыяніравання беларускіх сродкаў масавай інфармацыі, садзейнічанне забеспячэнню высокага прафесійна-творчага ўзроўню журналістаў;
садзейнічанне павышэнню прэстыжу журналістыкі як віду творчай дзейнасці, а таксама прэстыжу працы журналіста.

Задачы

абарона эканамічных, прафесійна-творчых інтарэсаў, аўтарскіх, асабістых правоў, гонару і годнасці журналістаў, якія з’яўляюцца членамі ГА «БСЖ», іх інтэлектуальнай уласнасці;
аб’яднанне намаганняў і каардынацыя работы па інфармацыйнаму абслугоўванню журналістаў, якія з’яўляюцца членамі ГА «БСЖ»;
клопат аб паляпшэнні ўмоў працы, быту работнікаў сродкаў масавай інфармацыі, ветэранаў журналістыкі, якія з’яўляюцца членамі ГА «БСЖ»;
аб’яднанне і каардынацыя намаганняў членаў ГА «БСЖ» у практычным ажыццяўленні статутных мэт;
развіццё сістэмы журналісцкай адукацыі членаў ГА «БСЖ», а таксама іх разнастайных форм творчай дзейнасці.

Дзейнасць

Паводле Статута саюз ажыццяўляе наступныя віды дзейнасці:

удзел у міжнародных журналісцкіх сувязях;
правядзенне журналісцкіх нарад і свят;
ладжанне журналісцкіх творчых спабораў;
павышэнне адукацыі журналістаў на творчых семінарах і ў Цэнтры сучаснай журналістыкі;
выпуск выданняў.

Зноскі

↑ Віктар Лоўгач. Беларускія журналісты намецілі стратэгію работы на чарговую пяцігодку (нявызн.). Грамадства. Беларускае тэлеграфнае агенцтва (4 сакавіка 2012).
↑ http://bsj.by/bszh/ustav-2/
↑ Алег Слука. Раздзел III. Стварэнне сістэмы сродкаў масавай інфармацыі ў Беларусі (1954-1964) // Беларуская журналістыка ў 3 частках / Г. Мыцік. — Мінск: БДУ, 2009. — Т. 3. — С. 163. — 399 с. — 300 экз. — ISBN 978-985-518-116-4. Архівавана 14 сакавіка 2022.
↑ За моцную i квітнеючую Беларусь (нявызн.). Улада і грамадства. Звязда, № 242 (24282) (4 сакавіка 2011).
↑ Ігар Карней. Новым кіраўніком праўладнага Саюза журналістаў стаў рэдактар «Рэспублікі» (нявызн.). Грамадства. Радыё «Свабода» (4 сакавіка 2011).
↑ Беларусь 1995.

Літаратура

Саюз журналістаў Беларусі // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 649. — 800 с. — 5 000 экз. — ISBN 985-11-0026-9.
Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 226. — 10 000 экз. — ISBN 985-11-0035-8. — ISBN 985-11-0238-5 (т. 14).

[1] Віктар Лоўгач. Беларускія журналісты намецілі стратэгію работы на чарговую пяцігодку (нявызн.). Грамадства. Беларускае тэлеграфнае агенцтва (4 сакавіка 2012).

[2] ttp://bsj.by/bszh/ustav-2/

[3] Алег Слука. Раздзел III. Стварэнне сістэмы сродкаў масавай інфармацыі ў Беларусі (1954-1964) // Беларуская журналістыка ў 3 частках / Г. Мыцік. — Мінск: БДУ, 2009. — Т. 3. — С. 163. — 399 с. — 300 экз. — ISBN 978-985-518-116-4. Архівавана 14 сакавіка 2022.

[4] За моцную i квітнеючую Беларусь (нявызн.). Улада і грамадства. Звязда, № 242 (24282) (4 сакавіка 2011).

[5] Ігар Карней. Новым кіраўніком праўладнага Саюза журналістаў стаў рэдактар «Рэспублікі» (нявызн.). Грамадства. Радыё «Свабода» (4 сакавіка 2011).

[FOOTNOTEБеларусь1995-6] Беларусь 1995.

[2]

[3]

[4]

[5]

[6]

[1]