Boda

A Boda (oda: Friser; a da Schweiz und a da Deutschschweiz Coiffeur, Coiffeuse) is a Fachmo fia d Pflege vo de Hoa am Kopf und fia as Gstoitn vo da Frisua. Da Beruf hod se in Deitschland ausm middloidalichn Beruf vom Barbier entwickld. Es gibt oba an undaschied zwischn dem modeana Boda und dem oidn Bodahandwerk.

In Deitschland is d offizielle Bezeichnung vo dem Beruf Friseur und kimmd ausm Franzesischn wos oba seiba nimma heagnumma wiad. In Bayern sogt ma a obara Boda. A weibliche Foam vo dera Berufsbezeichnung gibts wia bei de mehran Berufe fias boarische ned wiagle, ma sogt eimfach Friser oda Boda zu ana Friseurin.

Da modeane Boda Oabat in seim Salon oda ea bsuacht d Kundschaft dahoamd. Se deand d Kundschaft fia d Gstoitung vo eanana Frisua beratn und Vakaufand Hoapflegeprodukte. Aussadem deands nu:

• Woschn
• Schnei
• Fehna
• Fam (Hoa, Wimban, Aungbraun)
• Strähnen (American Colors, Folien-, Hauben-, Kamm- und Handschuhsträhnen, Painting)
• Töna
• Eileng (Wossaweinwickla)
• Dauawein
• Volumenwein (unda andam a Headlines, auswochboa)
• Hoakua
• Galafrisuan
• Hochsteckfrisuan
• Hoavalängarungen oda Hoavadichtungen
• Rasur
• Typberatung
• Aungbraun zupfa
• Wimban-Coloration und Wiman-Waving

Bis a d Mitt vom 20. Joahundat hamd d Boda oba a nu andane Aufgom, wia as Zentreissn und andane sochan wo Heidzdog da Dokta duad, gmocht.

Da Mondog ist traditionej da Ruhedog vo de Boda und oiwei nu recht vabreid. A Haufa Boda hamd am Samsda offad und wengam Mondog wo zua is dann zwoa zamhängade freide Dog. Heidzdog gibts oba a oi Boda de oi sechs Weakdog offad hamd, obara oi de wos ganz andane Öffnungszeitn hamd.

D Schutzpatronin vo de Boda is d Heilige und Jüngerin vom Jesus, d Maria Magdalena. Andane Schutzpatrona hand obara d Heilign Cosmas und Damian, wega eanam Arztberuf und da historischn Vabundnheit davo zum Bodahandwerk.

Jeds Jea am Meaz findn d Top Hair International Trend & Fashion Days (Messe Düsseldorf - grod fia Fachbsuacha) statt und geidn ois europäische Leitmess fia de Braschn.^[1]

 Commons: Friseure – Sammlung vo Buidl, Videos und Audiodateien

• Berufsbild Friseur/Friseurin

1. ↑ www.top-hair-international.com