Kruna wilangan

Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki. Tekén keterangan liyanan, klik [tampilkan] ring bagian tengen. Gingsirang markah HTML mawit markah wiki yéning kamungkinin. Dagingin pranala wiki. Yening karasa sarat, uahin pautan ka suratan wiki liyanan mawit ngadagingin "[[" miwah "]]" ring kruna sané wénten (cingak WP:LINK tekén keterangan liyanan). Ampura dumun nenten ngmasang pranala ring kruna sané sampun kauningin secara umum olih para pembaca, luiripun: profesi, istilah geografi umum, miwah prabot/piranti sadina-dina. Sunting wagian pembuka Ngaryanang utawi kembangin wagian pembuka ring suratan puniki. Susun manggala suratan puniki mawit pedoman tata letak. Dagingin kotak info yéning soroh suratan kamungkinin. Usap tag/mal puniki.

Suratan puniki Wikipédia:Ubuh, suksmanipun nénten wénten suratan liyanan sané madué pranala balik ring suratan puniki. Ngiring dagingin pranala ka suratan puniki saking suratan sané gelah hubungan utawi coba piranti pangrereh pranala.

Kruna wilangan inggih punika, kruna sané nyihnahang akéh arta brana utawi akidik papupulan barang, sahananing maurip wiadin laksana pakaryan, manut soroh nyané rumasuk wewangsan. Kruna wilangan punika kabinayang dados manutin rupa miwah pawiguna inucap.^[1]

Puniki kruna wilangan sané manutin pawiguna ipun kakepah dados nem inggih punika:

Kruna wilangan undagan utawi ketékan, kaanggén mabacakan kala utawi barang. Minakadi: sa, dua, telu, papat, lima, enem, pitu, kutus, sia, dasa, miwah selanturipun.

Kruna wilangan gebogan, kruna wilangan sané madué aran niri-niri utawi carané ngucapang masiosan tur sampun ketah pisan kaanggén. Kruna wilangan puniki ketah ipun kaucapang nganggé lengkara, nentén wilangan ipun. Sané ngaranjing ring kruna wilangan gebogan luiré :

• 35 wastanipun pesasur
• 45 wastanipun setiman
• 50 wastanipun séket
• 75 wastanipun telung benang
• 100 wastanipun satus
• 150 wastanipun karobelah
• 175 wastanipun lebak
• miwah sané siosan

Kruna wilangan pahan puniki boya kasurat antuk angka, sakéwanten kasurat nganggé aksara. Sané ngranjing ring kruna wilangan pahan luiré :

• Apahempatan utawi aprapat
• Atenga
• Atugel
• Apahteluan utawi apahtiga

miwah sané lianan

Kruna wilangan tan janten puniki akéh nyané nenten janten utawi nénten keni antuk ngawilangin akéh nyané. Ketah ipun kasurat nganggé kruna utawi aksara. Sané ngranjing ring kruna wilangan tan janten punki luir ipun :

• Abedik : Nasiné di payuké masisa tuah abedik.
• Begeh : Saudagar baasé begeh maan ngadep baas di Peken
• Liu : Panakné luas ngaku liu ngabe pipis
• Aketek : Uyahé enu di calungé tuah aketek.
• Ombeh : Ombeh mabiayagan lengisé uli di paon.
• Agetul : Agetul tusing enu lengisé di botolé.
• Adésa : Ajaka adésa anaké démonstrasi di lapangan puputan.
• Akikit : Akikit tusing dadi idih gelahné.
• Abanjar : Ajaka abamjar anake nulungin ia mamula padi di carik.
• Apaso : Lawar apaso isinina kuah.

Sané ngranjing ring kruna wilangan panta wilangan, inggih punika :

• Ékan
• Dasan
• Tus
• Peon
• Laksan
• Keten/keti
• Yuta
• Bara
• Ingel
• Bengong

Kruna wilangan puniki akéh ipun sampun pasti. Ketah ipun kruna wilangan puniki karahinin antuk kruna-kruna sané wénten pakilitan ipun ring kruna wilangan soang-soang. Sané ngranjing ring kruna wilangan pepasten wilangan, luiré:

• Aakit; Sampi aakit
• Aukud; Bébék aukud
• Abidang; Tikeh abidang
• Apasang; Sandal apasang
• Abungkul; Taluh abungkul
• Amuncuk; Busung amuncuk
• Akropak; Wayang akropak
• Acakep; Lontar acakep
• Ajumput; Nasi ajumput
• Akatih; Tiing akatih

miwah sané lianan

Lian raos saking kruna wilangan prasida kaambil saking genah nyané kaanggén, tata cara ngambil nyané, piranti sané kaanggén, miwah satuan sané kaanggén. Ring panganggéan punika ketah kawewehin aksara a ring ajeng nyané, kawewehin ring ungkur wilangan sekadi panta wilangan.

Wilangan puniki nénten ja kasikiang sareng kruna sané kaanggén ngabacak, menawi ri kala aksara a ipun kaicalang tan dados maartos kruna wilangan utawi wantah dados kruna aran kemantén. Luiré:

• A barung = gong, gambelan
• A bungkul = taluh, nyuh
• A bidang = kamen, don
• A bulih = baas, biu
• A akit = sampi, kebo
• A cédok = yéh
• A ceeng = baas
• A cangkir = téh, kopi
• A cutak = tanah, carik, tegal
• A cekel = gonda, jukut, kangkung
• A katih = tebu, tiing, tali, bungkung
• A kélan = tipat
• A kétélan = yeh, lengis, ubad
• A kilo = baas, bé, kopi, cengkéh, bawang
• A pacraken = tanah
• A puun = punyan kayu, punyan nangka
• A tukel = benang
• A tebih = saang, busung
• A gebeh = yeh
• A sopan = nasi
• A sinduk = nasi
• A puhu = baas
• A tala = umah nyawan, umah tabuan
• A tanding = banten, lawar, canang
• A soroh = banten
• A gulung = tikeh, bedég
• A pakpakan basé = galah, kala
• A menangan = kala pelalianan
• A lusin = buku

Wilangan puniki kasikiang antuk aksara a sareng kruna sané kaanggén ngabacak, menawi ri kala aksara a ipun kaicalang tan dados maartos kruna wilangan utawi wantah dados kruna aran kemantén. Luiré:

1. Akatih : potlot,bungkung,tiing,lidi,sate,plpen.
2. Abungkul : taluh,nyuh,nangka,duren,sumangka,gedang.
3. Ajuring : sumaga,sumangka,duren.
4. Atala : nyawan
5. Atebih : sumangka,tiing,gedang,bata,carik.
6. Atukel : benang
7. Aukud : siap,jaran,sampi,kambing,kedis,bébék.
8. Aijas : biu
9. Aijeng : biu,salak
10. Apunduh : méméri,bébék,siap.
11. Apasang : sepatu,sandal,sumpel.
12. Arangsukan : panganggo
13. Alempir : kertas
14. Abidang : kertas,kamben,saput,don basé.
15. Aplupuh : tanem-taneman
16. Acutak : carik,tegal
17. Akecoran : yeh
18. Apapah : don bi,don nyuh,don jaka
19. Apuun : punyan nyuh,punyan poh, gedang,nyambu.
20. Arence : ceroring,kepundung,buni,buluan
21. Akelan : tipat
22. Atanding : lawar,banten,sate
23. Abatu : duren,nangka
24. Apakpakan base : galah,makelone
25. Awai,abulan,atiban : dina
26. Acengkang,alangkat,améter,adepe : benang,papan
27. Arirang : saput,kamben
28. Arontong : baas,ketan,injin,jijih,jagung
29. Acluki : arak, tuak, brem
30. Aberuk,ajun : yeh
31. Apacek : dara,kukur,titiran
32. Akit : kebo,sampi
33. Abarung : gong
34. Abada : sampi,méméri,bébék,kambing
35. Abulih : biu,jagung
36. Alingseh : punyan tiing,tebu,biu,isen.
37. Apinceran : roda

Ring basa Bali aran wilangan tan ja kapastika pateh sekadi wilangan petékan ipun, wénten wilangan-wilangan sané kaaranin mabinayan saréng ketah petékan ipun, luiré:

Pawastaan sasih antuk petékan punika prasida kasiosang antuk pawastaan liyanan minakadi:

• Kasa : sasih 1
• Karo : sasih 2
• Katiga : sasih 3
• Kapat : sasih 4
• Kalima : sasih 5
• Kaenem : sasih 6
• Kapitu : sasih 7
• Kawolu : sasih 8
• Kasanga : sasih 9
• Kadasa : sasih 10
• Kadesta : sasih 11
• Kasada : sasih 12

Suratan puniki nénten madué katégori. Ngiring ngawantu Wikipédia tekén ngadagingin katégori. Tag puniki kapolihang ring Oktober 2021.