Televisión Española

Televisión Española
radiodifusión pública
Llocalización
Sede	Pozuelo de Alarcón
Historia
Fundación	28 ochobre 1956
Fundador	España franquista
Participación empresarial
Organización matriz	RTVE
Elementos esplotaos	La 1 La 2 Teledeporte (es) Canal 24 horas (es) TVE Internacional (es) TVE UHD (es) Star TVE HD (es) TVE HD (es) Canal Nostalgia (es) TVE-50 (es) Canal Toros (es) Docu TVE (es) Cultural·es (es) Canal Clásico (es)
Varios
Premios	(2015)  Premios Ondas, premiáu por El ministerio del tiempo (2012)  Premio José Couso de Libertad de Prensa (es) (2006)  Premios Peabody (es) , premiáu por Why We Fight (2006)  Premios Peabody (es) , premiáu por Why We Fight (2005)  Premios Peabody (es)
Web oficial

Televisión Española (TVE) foi fundada'l 28 d'ochobre de 1956. Forma parte de la corporación RTVE qu'engloba tanto a la propia Televisión Española como a Radio Nacional d'España (RNE) y l'Institutu Oficial de Radio y Televisión (IORTV). Forma parte de la Unión Europea de Radiodifusión.

La primera demostración de televisión n'España remóntase al añu 1947, durante una exposición de teunoloxía celebrada nel Palaciu de Montjuïc de Barcelona, onde la casa Philips Ibérica instala una cámara xunida per cable a un monitor asitiáu a trenta metros. A partir d'esa fecha sucédense diferentes pruebes téuniques y ye en 1952, utilizando equipos cedíos pola casa Marconi y con personal téunicu perteneciente al Llaboratoriu Electrónicu de la Direición Xeneral de Radiodifusión, del recién creau Ministeriu d'Información y Turismu, cuando se celebra la primera retransmisión deportiva: con tres voluminoses cámares y llocución de Matías Prats, televísase un partíu de fútbol ente'l Madrid (aún nun se llamaba Real, como n'antigua monarquía) y el Racing de Santander que se celebró nel vieyu estadiu madrilanu de Chamartín. Una veintena d'altos cargos franquistes madrilanos tuvieron el privilexu de contemplalu en carísimos televisores. Continúen les pruebes téuniques hasta que s'inaugura la programación diaria el 28 d'ochobre de 1956, marcando esta fecha el comienzu oficial de la televisión n'España.

Cesáu en 1962 el Ministru fundador de RTVE, el conservador Gabriel Arias Salgado, ye nombráu en so llugar el xoven Manuel Fraga Iribarne, que potencia los conteníos televisivos que se basaben en musicales, informativos, dramáticos, películes, y series televisives estadunidenses. (La primera d' estes que s'emitió en TVE foi "Investigador Submarino", en 1958, protagonizada por Lloyd Bridges) y, muy lentamente, empiecen a emitise spots publicitarios, primero en direutu (1957: panel de Winston tres los presentadores Ramsy James y Jesús Álvarez nun programa musical onde intervinieren el dúu "Los Holandeses Voladores") y posteriormente llegen los spots filmaos (1958: el primer spot filmáu TVE foi un d'un reló Omega Sea Master, en 35 mm., y cola música d'"El Buque Fantasma" de fondu, al iniciu y final del musical "Los Viernes, Concierto".

Hasta la llegada del video-tape, hacia 1963, que permitía la grabación y posterior emisión de la programación, toa la producción realizábase nos estrechos estudios del Paseu de l'Habana (Madrid) y, menos los espacios filmaos, en rigurosu direutu. En 1964 inaugúrense los más grandes estudios de Prado del Rey, en Madrid.

A partir de 1959 habíen iniciáose les conexones ente Madrid con Zaragoza, Barcelona, Bilbao, Valencia, Sevilla, Santiago, etc., per aciu d'enllaz hertzianu: la televisión comienza a ser una referencia de modernidá en tol territoriu español.

En 15 de payares de 1966 apaeció una segunda canal de TVE (TVE 2), conocida nos sos oríxenes como la UHF, por utilizar pa la so emisión esta banda de radiofrecuencies. En TVE 2 emitiríense los conteníos culturales, deportivos y de serviciu públicu de baxa audiencia de la so hermana mayor, lo que nel futuru debía permitir que TVE entrase nel camín de la competencia pola audiencia.

Hasta la Constitución Española de 1978, la televisión n'España careció de cobertura xurídico-llegal. La so emisión quedó definida pol artículu 20, que protexe el derechu «a comunicar o recibir llibremente información veraz per cualesquier mediu de difusión».

El 1 de xineru de 1986 inaugúrense les emisiones matinales col programa Buenos días. El 14 d'avientu de 1988 cola fuelga xeneral del 14-D, los trabayadores de RTVE consiguen el respetu de la opinión pública cortando la emisión y ayudando a consiguir un ésitu ensin precedentes en la historia sindical española. Tres la Ley de Televisión Privada lliberalizose'l mercáu televisivu n'España y creyáronse les cadenas privaes (Telecinco, Antena 3 y Canal+), en 1990. Pronto emtamaría a preparase el aterrizaxe de la televisión per satélite n'España, y RTVE quixo ser quien liderara el so desarrollu cola creación en 1994 de la sociedá Cotelsat y de les sos primeres canales temátiques Teledeporte y Canal Clásicu, aún existentes güei, qu'emitiríen durante un tiempu totalmente n'abiertu. Amás, pa entós yá comenzare a emitise la señal de la canal TVE Internacional (llanzáu en 1989).

Cola creación de la plataforma dixital Vía Digital, güei integrada en Canal Satélite Digital, TVE siguió apostando poles canales temátiques y expresamente pa "Vía" fue sumando a la so ufierta de Teledeporte y Canal Clásico les canales Alucine, Cine Paraíso, Grandes Documentales Hispavisión, Canal Nostalgia y más tarde'l Canal 24 Horas. Toos ellos perduraren hasta agora, menos los de cine. Tamién foi un proyeutu la Canal Todo Toros, que nunca llegó a ver la lluz.

Cola llegada de la TDT, Televisión Española convirtióse nel principal motor del desarrollu de la televisión dixital n'España. Nesta primera etapa d'implantación dispón de La 1, La 2, Canal 24 Horas, Teledeporte y Clan TVE. Otres canales temátiques de TVE puen vese en paquetes dixitales Canal Clásico y Docu TVE. Llibre de pagu y vía satélite puen vese amás la xeneralista TVE Internacional, tamién presente en miles d'ufiertes d'empreses de cable en tol mundu y Canal 24 Horas únicamente a traviés del satélite Hot Bird 8 na posición orbital 13ºE.

• Sitiu oficial de TVE en Internet(en castellán)