Bandera de Dinamarca

Datos xenerales Usu Proporción 28:37 Adopción 1478 Colores      Blancu      Bermeyu [editar datos en Wikidata]

Datos xenerales Usu Proporción 56:107 [editar datos en Wikidata]

Datos xenerales Usu Proporción 56:107 [editar datos en Wikidata]

La bandera nacional de Dinamarca conozse col nome de Dannebrog, en danés lliteralmente la "tela danesa" o'l "trapu danés". Ye una cruz escandinava blanca en fondu bermeyu qu'algama'l borde de la bandera y cola parte vertical averada'l mástil en llugar de centrada. Esti diseñu de bandera danés foi adoptada depués pol restu de naciones nórdiques; Suecia, Noruega, Finlandia, Islandia y les Islles Feroe, asina como fasteres d'heriedu cultural y históricu nórdicu, como les rexones escoceses de les Islles Shetland y les Islles Orkney. Mentantu la xunión personal de Dinamarca y Noruega, el Dannebrog foi tamién la bandera de Noruega y siguió siéndolo hasta la adopción de la bandera noruega d'anguaño nel 1821.

El Dannebrog ye la bandera d'estáu más vieya del mundu qu'inda ta n'usu por una nación independiente. Enanties d'ella les fuercies daneses usaben l'estandarte'l cuervu, flag Ravnen en danés, Hrafnsmerki en noruegu antiguu .

La lleenda lliga l'orixe de la bandera cola Batalla de Lyndanisse, tamién nomada Batalla de Valdemar (danés: "Volmerslaget"), circa Lyndanisse (Tallinn) n'Estonia, en xunu 15, 1219.

La batalla diba mal y la derrota yera inminente. Pero entoncies, cuando los daneses taben por rindise, la bandera cayó del cielu. Garrándola enanties que tocara'l suelu, el rei coyóla nes sos manes y movióla al aire argutu delantre les tropes desfallecíes, dándo-yos esperanza y liderándolos p'haza la victoria.

El mitu ye nidiu. La bandera, el Dannebrog foi dada a los daneses pol mesmu Dios y dende esi día foi la bandera de Dinamarca y de los reis daneses.

Nun hai nengún documentu históricu que sofite esta lleenda. La primera noticia de la lleenda nun apaez hasta 300 años más sero y rellaciona la lleenda con engarradiella más qu'una batalla anque tamién tien llugar n'Estonia; la batalla de Fellin (Viljandi) en 1208.

Nuna canción de 1500 tamién se venceya la bandera en forma de cruz col sueño sobre la cruz que tuvo l'emperador romanu Constantino l'añu 312, antes de la batalla del Puente Milvio pola que se convirtió nel únicu emperador romanu y, según cuenta la tradición, convirtióse al cristianismu. Esta visión de la cruz cola que se rellacionen les pallabres in hoc signo vinces («baxo esti signu vencerás»), ta venceyada colos milagros nos que supuestamente apaez una cruz nel cielu que, especialmente dende la batalla de Cuadonga, tuvieron asociaos con batalles entr cristianos y musulmanes.

• Wikimedia Commons tien conteníu multimedia tocante a Bandera de Dinamarca.