William S. Burroughs

William Seward Burroughs (5 de febreru de 1914, Saint Louis – 2 d'agostu de 1997, Lawrence) foi un novelista, ensayista y críticu social d'Estaos Xuníos d'América.

William S. Burroughs
Vida
Nacimientu	Saint Louis[1], 5 de febreru de 1914[2]
Nacionalidá	Estaos Xuníos [3]
Llingua materna	inglés
Muerte	Lawrence[4], 2 d'agostu de 1997[2] (83 años)
Sepultura	Bellefontaine Cemetery (en)
Causa de la muerte	infartu de miocardiu
Familia
Padre	Mortimer P. Burroughs
Casáu con	Joan Vollmer (1946 – 1951)
Fíos/es	William S. Burroughs Jr. (es)
Estudios
Estudios	Universidá de Harvard John Burroughs School (es)
Llingües falaes	inglés[5]
Oficiu	escritor, poeta, novelista, ensayista, pintor, guionista, escritor de ciencia ficción, prosista, fotógrafu
Emplegadores	Universidad Naropa (es)
Trabayos destacaos	Yonqui (es) Nova Express (en) Ciudades de la noche roja (es) El lugar de los caminos muertos (es) El almuerzo desnudo (es)
Premios	ver caballeru de les Artes y les Lletres comendador de les Artes y les Lletres [6]
Influyencies	Louis-Ferdinand Céline y Jean-Paul Sartre
Miembru de	Academia d'Estaos Xuníos de les Artes y les Lletres
Movimientu	Generación beat (es)
Seudónimos	Willy a William Lee
Xéneru artísticu	ciencia ficción Sátira literatura distópica (es) autobiografía
Discográfica	ESP-Disk (es)
IMDb	nm0123221
realitystudio.org

Burroughs nació nuna familia acomodada. So güelu foi l'inventor d'una máquina de sumar que sería l'orixe de la compañía Burroughs Adding Machines, empresa que tovía esiste anguaño, sol nome de Burroughs Corporation. Peracabó los sos estudios na Universidá de Harvard l'añu 1936. Dende bien pequeñu conoz los sos enclines homosexuales y la so pasión poles armes de fueu, que-y va acompañar tola vida. Depués d'un periodu terriblemente autodestructivu nos años cincuenta, onde va facer una incursión na lliteratura pulp (ye'l casu de Junkie), de magar los años sesenta va dedicase a escribir con continuidá.

Mató a la so muyer Jane d'un tiru na tiesta cuando trataba d'emular a Guillermu Tell y va fallar el disparu, dándo-y ente los güeyos.

La so obra tien una importante carga autobiográfica, onde queda reflexada la so adicción a delles sustancies, como la heroína. La esperimentación, el surrealismu y la sátira constitúin dalgunos de los elementos más destacaos de les sos noveles.

Les sos primeres publicaciones englóbense dientro de la Xeneración beat, grupu d'inteleutuales y artistes norteamericanos que van definir y dar forma a la cultura depués de la Segunda Guerra Mundial. Burroughs caltuvo importantes contautos con escritores como Allen Ginsberg, Gregory Corso, Jack Kerouac y Herbert Huncke. Pero la influyencia de la so lliteratura va trescender ampliamente esti movimientu y va dexase sentir posteriormente n'otres manifestaciones artístiques de tipu contracultural, incluyendo'l cine esperimental y ciertos tipos de música, como la industrial.

Nel añu 1984 ingresó na American Academy and Institute of Arts and Letters.