Paul McCartney
James Paul McCartney (18 de xunu de 1942, Walton Hospital (en) 
En 1997 McCartney foi condecoráu cola Orde del Imperiu Británicu (MBE).
Biografía
editarPaul McCartney nació'l 18 de xunu de 1942 en Liverpool, fíu de James y Mary McCartney. A la edá de 15 años, McCartney xunióse a John Lennon pa formar The Quarrymen; George Harrison xunióse al grupu a principios de 1958 como guitarrista, siguíu a principios de 1960 pol amigu de Lennon de la escuela d'arte, Stuart Sutcliffe.
En mayu de 1960 probaron dellos nuevos nomes, incluyendo Johnny and the Moondogs y The Silver Beetles. Finalmente camudó'l nome del grupu a The Beatles a mediaos d'agostu de 1960, y reclutaron a Pete Best na batería pa un compromisu inminente en Hamburgu, Alemaña, sicasí Best foi reemplazáu por Ringo Starr.
McCartney ganó fama mundial como miembru de The Beatles, con Lennon formaron una de les pareyes de compositores más influyentes y esitoses, y escribieron dalgunes de les temes más populares na historia de la música rock. Dempués de dexar The Beatles, en 1970, McCartney entamó una esitosa carrera en solitariu y formó el grupu Wings, cola so primer esposa, Linda Eastman, y el cantante y compositor Denny Laine.
McCartney figura nel Llibru Guinness de los récores como'l músicu y compositor más esitosu na historia de la música popular, con 60 discos d'oru y ventes de 100 millones de senciellos nel Reinu Xuníu.
El mediu británicu BBC News nomó a McCartney el «mayor compositor del mileniu» y citó el cantar de The Beatles «Yesterday» como'l cantar más versionáu na historia de la música, grabáu por más de 2200 artistes, y pasáu, dende la so publicación en 1965, más de 7 millones de vegaes na televisión y la radio d'Estaos Xuníos.
Amás, el cantar de Wings «Mull of Kintyre» convirtióse nel primer senciellu en vender más de dos millones de copies nel Reinu Xuníu. Como intérprete o compositor, McCartney foi'l responsable de 31 senciellos númberu unu na llista Billboard Hot 100 d'Estaos Xuníos, y vendió hasta la fecha en redol a 15,5 millones de discos n'Estaos Xuníos según la RIAA.
Paul McCartney compunxo bandes sonores pa películes, música clásica y electrónica, dio a conocer un ampliu catálogu de cantares como artista en solitariu, y participó en proyeutos p'ayudar a organizaciones benéfiques internacionales. De la mesma ye un defensor de los derechos de los animales, el vegetarianismu, y participa viviegamente en campañes contra les mines terrestres, la caza de foques, y la delda del Tercer Mundu.
Ye un entusiasta aficionáu al fútbol, sofita a los clubes Everton FC y Liverpool FC. La so compañía MPL Communications tien los derechos sobre más de 3000 cantares, incluyendo tolos cantares escritos por Buddy Holly, xunto colos derechos de publicación de musicales como "Guys and Dolls", "A Chorus Line", y "Grease". McCartney ye una de les persones más riques del Reinu Xuníu, con una fortuna envalorada de 475 millones de llibres esterlines en 2010. Coles mesmes, foi l'encargáu de cerrar la Ceremonia d'apertura de los Xuegos Olímpicos de Londres 2012, interpretando'l so cantar «Hey Jude». Quepe mentar qu'amás de los sos discos de música pop rock, McCartney grabó delles obres clásiques, ya inclusive electróniques.
Discografía
editar- McCartney (1970)
- Ram (1971) (Paul & Linda McCartney)
- Wild Life (1971) (Wings)
- Red Rose Speedway (1973) (Paul McCartney & Wings)
- Band on the Run (1973) (Paul McCartney & Wings)
- Venus and Mars (1975) (Wings)
- Wings at the Speed of Sound (1976) (Wings)
- London Town (1978) (Wings)
- Back to the Egg (1979) (Wings)
- McCartney II (1980)
- Tug of War (1982)
- Pipes of Peace (1983)
- Give My Regards to Broad Street (1984)
- Press to Play (1986)
- Choba B CCCP (1988)
- Flowers in the Dirt (1989)
- Off the Ground (1993)
- Flaming Pie (1997)
- Run Devil Run (1999)
- Driving Rain (2001)
- Chaos and Creation in the Backyard (2005)
- Memory Almost Full (2007)
- Kisses on the Bottom (2012)
- New (2013)
- Egypt Station (2018)
- McCartney III (2020)
Referencies
editar- ↑ «Demolition work begins at Sir Paul McCartney's birthplace Walton Hospital» (inglés). Liverpool Echo (22 agostu 2011).
- ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: catálogu de la Biblioteca Nacional Checa. Identificador NKCR AUT: jn20000603963. Data de consulta: 1r marzu 2022.
- ↑ Afirmao en: The London Gazette 43667. Páxina: 5488. Llingua de la obra o nome: inglés británicu. Data d'espublización: 12 xunu 1965. Númberu d'exemplar: 43667.
- ↑ URL de la referencia: https://www.oscars.org/oscars/ceremonies/1971.
- ↑ Afirmao en: The London Gazette 54625. Páxina: 2. Llingua de la obra o nome: inglés británicu. Data d'espublización: 31 avientu 1996. Númberu d'exemplar: 54625.
- ↑ Identificador Rock Hall of Fame: paul-mccartney.
- ↑ «2008 Yale Honorary Degrees». YaleNews. 26 mayu 2008.
- ↑ «Paul McCartney awarded French Legion of Honor» (inglés). CBS (8 setiembre 2012). Consultáu'l 23 xunetu 2020.
- ↑ Afirmao en: The London Gazette 61962. Páxina: B25. Llingua de la obra o nome: inglés británicu. Data d'espublización: 16 xunu 2017. Númberu d'exemplar: 61962.
- ↑ Afirmao en: autoridaes BNF. Llingua de la obra o nome: francés. Autor: Biblioteca Nacional de Francia.
- ↑ Biblioteca Nacional de Francia. «autoridaes BNF» (francés).
- ↑ URL de la referencia: https://www.cinemablend.com/pop/2456821/paul-mccartney-reveals-how-drugs-led-him-to-see-god.
Enllaces esternos
editarWikimedia Commons acueye conteníu multimedia sobre Paul McCartney.
- Páxina web oficial (n'inglés)
- Paul McCartney na Internet Movie Database (n'inglés)
- Paul McCartney na Internet Broadway Database (n'inglés)
- Paul McCartney n'AllMovie (n'inglés)
- Paul McCartney en FilmAffinity (castellán)
- Paul McCartney en Facebook
- Paul McCartney n'Instagram
- Paul McCartney en Twitter
Datos: Q2599
Cites famoses: Paul McCartney