Llingües xermániques

Carauterízase pol pasu del acentu llibre indoeuropéu a la primera sílaba radical y por camudar delles consonantes indoeuropees nun procesu fonéticu-fonolóxicu conocíu pol nome de primera mutación consonántica.

Na primera mutación consonántica:

1.Les oclusives sordes orixinales tórnanse en fricatives sordes en xermánicu: Indoxermánicu */p/, */t/, */k/ (> */ph/, */th/, */kh/) > Xermánicu /f/, /þ/, /h/

• /p/ > /f/: llatín. pater, poru: alemán Vater, inglés father, danés far
• /t/ > /þ/: llatín tres, poru: inglés three
• /k/ > /h/: llatín cord-, poru: alemán Herz, inglés heart

2.Les consonantes */b/, */d/, */g/ > xermánicu /p/, /t/, /k/

• /b/ > /p/: llatín baculum, poru: alemán Pegel
• /d/ > /t/: llatín decem, poru: inglés ten, danés ti
• /g/ > /k/: llatín gula, poru: alemán Kehle

El tueru xermánicu ta xebráu en tres grupos de llingües:

Dientro d'esti grupu débese solliñar el xermánicu nórdicu occidental (col islandés y el feroés), y el xermánicu nórdicu oriental (col suecu, el danés y el noruegu). Esti últimu amuesa dos variantes, el Bokmål o noruegu de base danesa y el Nynorsk o noruegu de base dialeutal occidental (por agora pertenciente al xermánicu nórdicu oriental).

Llingües xermániques nórdiques:

• Escandinavu antiguu (Antiguu islandés):
  • Nórdicu occidental
    • Islandés
    • Feroés
    • Noruegu (Nynorsk, a mediu camín ente occidental y oriental)
  • Nórdicu oriental
    • Danés
      • Noruegu (Bokmål o Riksmål)
    • Suecu

Ye'l grupu con más falantes, pues inclúi l'inglés y l'alemán. D'un llau puen estramase l'inglés, el frisiu, el neerlandés o holandés (col afrikaans) y el baxu alemán y d'otru l'altu alemán (col yiddish), que sufrió la segunda mutación consonántica).

Llingües xermániques occidentales:

• Xermánicu occidental
  • Altu alemán
    • Alemán estándar
    • Luxemburgués
    • Suizu alemán
    • Yiddish
  • Baxu alemán
    • Plattdeutsch (baxu alemán n'Alemaña)

• • • Neerlandés
      • Afrikaans
      • Limburgués
  • Xermánicu occidental insular
    • Frisiu
    • Inglés
    • Escocés

Anguaño estinguíu. Yera'l grupu del góticu y del xépidu.

Llingües xermániques orientales:

• Góticu
  • Góticu de Crimea
• Vándalu
  • Borgoñés
  • Lombardu

Tabla de comparanza ente les llingües xermániques:

• Historia y gramática de les llingües xermániques Archiváu 2011-09-17 en Wayback Machine