Basidiomycota

Esti filu ye'l más evolucionáu y el más conocíu pos entiende numberosos y variaos tipos de fungos. Cuando son de calter heterotálicu, el miceliu primariu sufre dicariotizacion (somatogamia o espermatización) produciendo hifes dicariótiques que correspuenden al miceliu secundariu. Nos fungos de calter homotálicu una basidiospora produz el miceliu dicarióticu. Hai presencia de quitina nes parés celulares, y apaecen unes estructures llamaes fíbules, bien paecíes a los uncínulos de los ascomicetos.

La reproducción asexual, produzse per aciu espores conocíes como conidios o oidios.

Na reproducción sexual hai plasmogamia (somatogamia y espermatización), esti ye l'entamu nes especies heterotáliques, los gametanxos son esclusivos de les royes (fungos imperfectos). Hai hifes + y -, preséntase la dicariotización por espermatización de los espermacios d'una hifa a otra (monocarióticos). Pa tal somatogamia esiste una complexa compatibilidá, yá seya por bipolaridá, que se da en factores A (A x a), o por tetrapolaridá, que tien llugar en factores A y B (AB x ab), amás de que puede xenerar cuatro tipos d'espores.

Nos basidios hai esterigmes y espícules, un mecanismu d'abstricción sírvelu pa eyeutar les basidiospores, cuando estes tienen simetría billateral formen un ángulu col estroma.

• Heterobasidiomycetes. Cuando los basidios tán septaos y bien estremaos. Les espores son resistentes por tener una paré bien gruesa. Presenten más d'un tipu de conidiu.

• Homobasidiomycetes. Cuando los basidios son más uniformes y non septaos con forma claviforme. Nestos la basidiospora grana formando la hifa. Los órdenes son tremelales, uredinales y ustilaxinales.

Basidiomycota ye una división qu'alluga trés clases:

 

• Clas Hymenomycetes
• Clas Urediniomycetes
• Clas Ustilaginomycetes

Que, de la mesma, contién los siguientes órdenes:

• Agaricales
• Auriculariales
• Boletales
• Bondarzewiales
• Cantharellales
• Cortinariales
• Dacrymycetales
• Fistulinales
• Ganodermatales
• Gomphales
• Hericiales
• Hymenochaetales
• Lachnocladiales
• Lycoperdales
• Melanogastrales
• Nidulariales
• Phallales
• Poriales
• Russulales
• Schizophyllales
• Sclerodermatales
• Stereales
• Thelephorales
• Tremellales
• Tulostomatales

•   Wikimedia Commons acueye conteníu multimedia sobre Basidiomycota.
• Clasificación de delles especies de la división Basidiomycota