Macroglossum stellatarum
La esfinxe colibrí (Macroglossum stellatarum) ye una especie de lepidópteru ditrisio de la familia Sphingidae. Vive nel sur d'Europa, incluyendo la Península Ibérica, norte d'África y centru d'Asia, India ya Indochina.[1] Recibe'l nome pol so vuelu y forma d'alimentación, que s'asemeyen a los del colibrí. [2][3]
Esfinge colibrí  | ||
|---|---|---|
 | ||
| Clasificación científica | ||
| Reinu: | Animalia | |
| Filu: | Arthropoda | |
| Clas: | Insecta | |
| Orde: | Lepidoptera | |
| Suborde: | Glossata | |
| Infraorde: | Heteroneura | |
| División: | Ditrysia | |
| Familia: | Sphingidae | |
| Subfamilia: | Macroglossinae | |
| Tribu: | Macroglossini | |
| Subtribu: | Macroglossina | |
| Xéneru: | Macroglossum | |
| Especie: |
M. stellatarum Linnaeus, 1758 | |
| Distribución | ||
 | ||
| Consultes | ||
| [editar datos en Wikidata] | ||
Descripción
El valumbu de les nales ye de 40-45 mm. Les delantreres son pardes con llínees y puntos negros y les traseres anaranxaes. L'abdome ye negru y blancu al llateral, con sedes con forma de cola d'una ave. El so güevu ye de forma ovoide, de color ente mariellu y verdosu, y suel eclosionar ente'l séptimu y l'octavu día dempués de la puesta. La canesba ye cilíndrica, de color mariellu y más tarde verde claru. La pupa mide de 30 a 35 mm.[4]
Hestoria natural
Ye una especie migratoria, pero polo xeneral nun sobrevive al iviernu nes rexones fríes. Tien vezos diurnos, raru en caparines esfínxides. Alimentase de néctar de plantes de xéneros como Viola, Verbena o Primula. La so trompa, pa libar el néctar, ye casi del mesmu llargor qu'el so cuerpu y estiéndese desenrollándose dende la so boca, de forma similar a la del camaleón.[5]
Tres la cópula la fema busca especies del xéneru Galium o otros miembros de la familia Rubiaceae como Rubia y tamién en Carduus, Phlox, Petunia, Aster y Centaurea, onde pon unos 200 güevos.[6] Pasa l'iviernu envernando como adultu, en diversos llugares como resquiebros que suel abandonar en díes templaos de plenu iviernu pa buscar alimentu suplementario. [7]
Referencies
- ↑ Macroglossum
- ↑ (castellán) http://www.asturnatura.com/especie/macroglossum-stellatarum.html Macroglossum stellatarum.
- ↑ (n'inglés) http://www.leps.it/indexjs.htm?SpeciesPages/MacroStellat.htm Orugas y Mariposas de Europa y Norte de África.
- ↑ (n'alemán) http://www.lepiforum.de/lepiwiki.pl?Macroglossum_Stellatarum Macroglossum stellatarum.
- ↑ http://www.fugleognatur.dk/artsbeskrivelse.asp?ArtsID=864 Macroglossum stellatarum - (Danés).
- ↑ (n'inglés) http://www.nic.funet.fi/pub/sci/bio/life/insecta/lepidoptera/ditrysia/bombycoidea/sphingidae/macroglossinae/macroglossum/index.html Macroglossum
- ↑ (n'inglés) http://sphingidae.myspecies.info/taxonomy/term/1615 Distribución - Sphingidae Taxonomic Inventory.