Inflorescencia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A inflorescencia (pronunciau /infloɾeˈɵɛnɵja/, "inflorezenzia") ye una estructura compuesta d'es verticilos florals de bellas plantas, en as cuals as flors son sobre brancas u en l'estrimo d'un tallo. De traza formal, a estructura d'una inflorescencia remata aon ye la primer fuella normal u nomofilo. I ha inflorescencias en as cuals no se i troba si que una flor, como lo caso d'a magnolia u o tulipán (inflorescencias unifloras), u inflorescencias con mas flors (plurifloras).

As inflorescencias se composan d'un pedicelo u pedunculo, un receptaculo aon son as flors individuals u un raquis sobre o cual i son clavadas, y pueden tener a mas a mas bractias, que son follas modificadas exclusivas d'estas estructuras.

Son as inflorescencias en as cuals se da un creiximiento de nuevos botons florals entre que dura la florada. Pa fer-lo, os meristemas apicals d'os diferents eixes siguen activos y por ixo producen nuevas flors individuals, dando como resultau una florada centripeta, en a cual as flors mas extrimas pueden ser secas pero as centrals serán as zagueras en ubrir-se.

Este tipo d'inflorescencias se troban baixo formas diversas: racemos ("carrazos"), espigas, umbelas y capítols.

• 
  Racemo u "carrazo".
• 
  Panicula.
• 
  Espiga.
• 
  Umbela.
• 
  Corimbo.
• 
  Capítol.

Son aquellas en as cuals os meristemas apicals se consumen en producir flors. Por debaixo d'o botón floral terminal, atros botons laterals producen nuevos eixes. En esta clase d'inflorescencias todas as flors son terminals.

Anque por a suya estructura pueden fer recordar a la inflorescencia racemosa, a secuencia d'apertura de flors ye de tot diferent, comenzando por as flors centrals a la contra de como fan aquellas.

• 
  Cima simple.
• 
  Cima compuesta.
• 
  Cima helicoidal.

• Sicono: A inflorescencia caracteristica d'o chenero Ficus, en a cual o receptaculo ye modificau y embolica las flors individuals de tot. Cuan se fecunda, se torna una infructescencia con a mesma estructura; o que se conoix popularment como figo.
• Ciato: A inflorescencia caracteristica d'o chenero Euphorbia, como as leteruelas y a flor de pascua.

• Infructescencia.
• Fruito compuesto.

• Se veigan as imáchens de Commons sobre inflorescencias.