Trunfas (Tuber)
|
Trunfas u Tuberas.
|
Estato de conservación
|
Seguro.
|
|
|
|
|
- Tuber aestivum
- Tuber brumale
- Tuber gibbosum
- Tuber himalayensis
- Tuber magnatum
- Tuber melanosporum
- Tuber mesentericum
- Tuber oregonense
- Tuber sinensis
|
As trunfas u tuberas son un grupo d'especies de fongos ascomicetes d'a familia d'as tuberacias, chenero Tuber. Gosan fer asociacions micorriticas con árbols planifolios, mas que mas con especies d'o chenero Quercus como as carrascas, caixigos, coscollos, castanyeras y nogueras. O suyo cuerpo fructifero tien forma arrondolada, similar t'os tuberclos d'a especie Solanum tuberosum (as patatas u trunfas, que por ixe en prenen ixe mesmo nombre), con a superficie suya rugosa de color fosca. Bellas especies diz que son capaces de producir herbicidas, que se manifiestan por eixemplo en calvers en a hierba u matical baixo que bi ha arredol d'un carrasquizo micorrizato.
En aragonés prenen nombres como trunfa (con variants como trufa, truba, de l'occitán trufa, y ísta d'o latín tufĕra (var. dial. de tubĕre)), tuberas u tuferas (d'o latín tubĕre) con as suyas variants esdruchulas u a variant popular cazoletas.