Linn AG

S AG im Lemma isch s offiziell Chürzel vom Kanton Aargau und wird bruucht, zum Verwächslige mit Yträäg vom Name Linn vermyde, wo öppis anders meined.

Linn
S Wappe vo Linn
Basisdatä
Staat:	Schwiiz
Kanton:	Aargau (AG)
Bezirk:	Bruggw
Gmeind	Bözberg
PLZ	5224
Koordinate:	652141 / 25819947.4724958.130283570Koordinate: 47° 28′ 21″ N, 8° 7′ 49″ O; CH1903: 652141 / 258199
Höchi:	570 m ü. M.
Flächi:	2,54 km²
Iiwohner:	136 (31. Dezämber 2011)^[1]
Charte
Charte vo Linn w w w

Linn isch bis Endi 2012 en Iiwohnergmeind im Bezirk Brugg im Schwiizer Kanton Aargau gsi und vo de Iiwohner her zweitchlinscht vom Kanton. Uf de 1. Jänner 2013 isch Linn in de noi gründete Gmeind Bözberg ufgange.^[2]

Geographii

De Gmeindsbann het e Flächi vo 254 Hektare, dodervo sind 113 Hektare Wald und 12 Hektare überbaut. Di höchschti Stell isch uf 720 Meter, di tüfschti uf 472 Meter.

Gschicht

S erschti Mol taucht Linne in ere Urkund us em Johr 1306 uf. Im Mittelalter isch Linn im Bsitz vo de Habsburger gsi und het zum Gricht Bözberg ghört. Derte hei d Habsburger di höchi Grichtsbarkeit gha. Ab em 1348 hei d Bsitzer vom Gricht immer mol wider gwächslet, wils verpfändet worde-n-isch. Ab em 1377 het s Dorf dann zu de Herrschaft Schänkebärg ghört. Im Johr 1460 hei d Bärner d Herrschaft Schänkebärg, eroberet. D Reformation isch, wi überall z Bärn, im 1528i iigführt worde. Linn het zum Grichtsbezirk Bözberg ghört und isch au bi de Teilig vom Bezirk im 1566i mit Bözberg zämme blibe. Im März 1798 sin d Franzose in d Schwiiz iimarschiirt u-n-hei di Helvetisch Republik usgruefe. Müendl ghört sither zum Kanton Aargau.

Sit em 1. Januar 2013 ghört Linn zu de Gmeind Bözberg.