Baanschtrèggi Rautweil-Villingè

Rautweil–Villingè
Kursbuechstrecki (DB):	742
Streckenummere (DB):	4650
Streckelengi:	26,787 km
Spurwyti:	1435 mm (Normalspur)
Legende Gäubaan vu Stuègètt 0,000 Rautweil Neggar 2,507 Rautweil Salinè Baanschtrèggi Balingè-Rautweil (bis 1971) Gäubaan gu Singè Aaschluss Knauf 6,1     Lauffè (bi Rautweil) Aaschluss Schuèler Rohschtoff 7,551 Deißlingè 8,177 Deißlingè Mitti 11,422 Drossingèr Baanhof Drossinger Ysèbaan 15,0     Müllhuusè (bi Schwenningè) Induschtrygebièt Rammelswisè 16,732 Villingè-Schwènningè Hammerschtatt 17,644 Schwenningè am Neggar 18,642 Villingè-Schwenningè Iisschtadion 21,086 Zollhuus (Villingè-Schwenningè) 23,902 Mabä Oscht (Villingè-Schwenningè) Schwarzwaldbaan vu Singè 26,787 Villingè Schwarzwaldbaan gu Offèbürg

D Baanschtreggi Rautweil–Villingè isch è eingleisigi, nit elegtrifizyrti, Ysèbaaschtrèggi am Oschtrand vum Schwarzwald. Si volauft deilwys im obbèrè Neggardal un vobindet Rautweil a dè Gäubaan mit Villingè a dè Schwarzwaldbaan. Übber sèbbi Strèggi volauft d Kursbuèchschtrèggi 742 Rautweil–Briilingè/–Drossingè Stadt („Alemannèbaan“).

1865 hèn diè dõmòligè Länder Baddè un Württèbärg voybart, iri Ysèbaanetz im Oschtè/Südè z vobindè (luèg au Gschichtè vo dè Schwôbischè Ysèbaanè). S git zwei vo sellnè Vobindungè uff dè Baar: eini im Obberè Donaudal zwǜschè Immèdingè un Duttlingè, wo 1934 ergänzt worrè isch durch d Hattinger Vobindungskurvè, sowiè d Streggi im Nordweschtè vo dè Baar zwǜschè Rautweil un Villingè.

Nõchdèm im Johr 1868 d Ysèbaan uff Rautweil im obberè Neggardal un 1869 d Schwarzwaldbaan uff Villingè^[1] chò isch, hèt mò am 26. Auguscht 1869^[2] au diè 27 km langi Baanschtreggi Rautweil–Villingè in Bedryb gnõ. Maßgäblichè Yfluss uff dè Streggèvolauf hèt dè Johannes Bürk, Uurèfabrikant un Landdaagsabgeordnete uss Schwenningè. Dè Bürk hèt sich erfolgrych dèfür ygsetzt, daß d Baanlinniè übber Schwenningè gfüürt worrè isch. Dè urschprüngliche Blaan hèt è Trassèfüürung witter nördlich übber Niddereschach vorgsää.^[3]

Well d Streggi nu bi Villingè è chly Stüggle uff badischem Gebièt volaufè duèt, isch si uffgrund von èm Staatsvodraag vom 18. Februar 1865 allei vo dè Württèbärgischè Staats-Ysèbaanè baut un bedribbè worrè. D Zuèschtändigkeit bi dè Hattinger Vobindungskurvè isch 1934 analog dèzuè ghändlèt worrè.

È wichtigi Zwǜschèstation isch dè Drossinger Baanhof. Dört zwygt sit 14. Dezembèr 1898 diè elegtrischi Drossinger Ysèbaan ab, wo dè Stadt Drossingè ghört un zum 4,5 km empfèrnt ligendè Stadtbaanhof uff dè Höchi vo dè Baar gòt.

Uff dè Streggi faarèd wärchtigs zwǜschè Villingè un Drossingè d Ringzüüg vo dè Hoèzollerischè Landesbaan im Stundè-Tagt. Dè Abschnitt Drossingè–Rautweil wörd durch dè Ringzug nu jeddi zweiti Stund befaarè. Zuèsätzlich vokeerèd alli zwei Stundè èn Regional-Exprèss vo dè DB uff dè Relation Neuschtadt–Rautweil.^[4] Dè Ringzug faart au uff dè Stickschtrèggi zum Drossinger Stadtbaanhof un vobindèt deilwys durchgängig (Briilingè-)Villingè un Drossingè Stadt.

1. ↑ Topografischer Atlas Baden-Württemberg, Landesvomessungsamt Baddè-Württèbärg (nit ygsää)
2. ↑ Die Trossinger Eisenbahn uff privat-bahn.de
3. ↑ Zeittafel für Schwenningen bis 1972 uff villingen-schwenningen.de
4. ↑ Reiseauskunft uff reiseauskunft.bahn.de

Dä Artikel basiert uff ere fräie Übersetzig vu dere Version vum Artikel „Bahnstrecke_Rottweil–Villingen“ vu de dütsche Wikipedia. E Liste vu de Autore un Versione isch do z finde.