Franz Meier
De Franz Meier (* 16. Septämber 1956) isch en ehemolige Schwiizer Hürdeläufer. Sini Paradedisziplin isch de 400-Meter-Hürdelauf gsi.
De Franz Meier isch z Wettige ufgwachse und isch scho als Jugendliche prägend für sin Verei gsi, de LV Wettige-Bade. Sin erschte Schwiizerrekord über 400-Meter-Hürde het er 1978 z Prag bi de Europameischterschafte gschafft mit ere Ziit vo 49.84, wodurch er Viirte worde-n-isch. Im 1980 het er bi de Olympische Spiil z Moskau im Olympiafinal gschtande und bi de Wältmeischterschafte 1983 z Göteborg und bi de Olympische Spiil 1984 z Los Angeles het er de Halbfinal erreicht. [1]
Z Wettige isch de Franz Meier au politisch aktiv und Mitgliid vom Iiwohnerrot gsi. Hüt wohnt er mit sinere Familie z Seenge.