Summer

Dr Summer isch di wermscht vu dr vier Johreszyte in dr gmäßigte un arktische Klimazone vu dr Ärd. Je nodäm, eb dr Winter uf dr Nord- oder dr Sidhalbchugle herrscht, wird unterschide zwisch em Nordsummer un em Sidsummer. Dr Nordsummer findet glychzytig mit em Sidwinter statt.

Im Summer goht d Sunne scho seli frie uf (do iber Bodesee am 05:46 Uhr)

D Johreszyte entstehn, wel d Ärdrotation nit in dr Ebeni vu dr Umlaufbahn um d Sunne erfolgt, sundern um 23,4° gnaigt isch. Doderdur lige Sid- un Nordpol im Wächsel als e halb Johr im Sunneliecht, un dr Zenitstand vu dr Sonne wächslet im Johreskrais zwisch em sidlige un em nerdlige Wändekrais. An dr geografische Pol herrscht e halbes Johr lang d „Polardag“, in dr Nechi vu dr Polarkrais git s e baar Wuche lang Mitternachtssunne un „Wyssi Nächt“.

Duur

Johreszyteschema, Ibersicht iber d Referänzlinie vu dr Ärdbahn

Astronomisch fangt dr Summer mit dr Summersunnewändi aa, em Zytpunkt, wu d Sunne sänkrächt iber em Wändekrais vu dr aigene Ärdhelfti stoht un d Däg am lengschte sin:

uf dr Nordhemisphäre am 20., 21. oder 22. Juni un
uf dr Sidhemisphäre am 21. oder 22. Dezämber.

Derno wäre d Däg wider chirzer un d Nächt lenger. Dr Summer hert uf mit dr Spotjohrs-Dag-un-Nacht-Glychi am

22. oder 23. Septämber uf dr Nordhalbchugle un am
20. Merz oder in dr Nacht zum 21. Merz fir d Sidhalbchugle.

Wel d Umlaufbahn vu dr Ärd um d Sunnen um 1,7 Prozänt vun ere Kraisbahn abwycht, sin di vier Johreszyte nit ganz glych lang. D Nordsummer e weng lenger un milder wie d Sidsummer, wel d Ärd im Nordsummer e weng wyter ewäg isch vu dr Sunne (Aphel am 5. Juli) .

Meteorologisch fangt dr Nordsummer am 1. Juni aa un dr Sidsummer am 1. Dezämber, wel d Meteorologe bi dr Johresyzte alliwyl volli Monet zelle.

Phänologisch cha dr Summeraafang zimli vum astronomische abwyche un hangt unter anderem ab vu dr Kontinäntalitet vum Klima.

Fescht un Fyrtig

Weblink

Commons: Sommer – Sammlig vo Multimediadateie

Sommer im dütschsprochige Wikisource

Dä Artikel basiert uff ere fräie Übersetzig vu dere Version vum Artikel „Sommer“ vu de dütsche Wikipedia. E Liste vu de Autore un Versione isch do z finde.