Loorer Murre

 

D Idee fir dää Mundartwettbewärb isch urspringli vum Loorer Dialäktdichter un friejerer Oberburgermaischter Philipp Brucker chuu. Dr erscht Wettbewärb isch anne 2013 vum Lahr-Verlag zäme mit dr Stadt Loor un dr Muettersproch-Gsellschaft uusglobt wore. Aafangs isch nonig sicher gsii, eb s dä Wettbewärb nume aimol het solle gee oder meefach, eb all Johr oder all zwai Johr. Wel dr Tom Jacob vum Lahr-Verlag, wu dä Wettbewärb 2013 initiiert ghaa het, d Murre nimi het welle organisiere, wird si syter anne 2015 vu dr Loorer Mediathek zäme mit dr Muettersproch-Gsellschaft uusgrichtet.

Dr Bryys isch no dr Murre gnännt, e Bachwar us Häfedaig, wu z Loor friejer an Feschdäg gängig gsii isch, wu s hite aber nume no in wenig Café un Becke git. Si siit uus „wie e vorgschobini Unterlipp’, iwer der e z’ruckzogine Oberlipp leit“, wie s dr Jonny Stapf bi dr Verleihig 2015 uusdruckt het.^[1]

D Jury vum Bryys bstoht us Verdrätter*ne us dr Kultur, dr Bolitik, dr Medie un em Buechhandel. 2013 sin des d Juliana Bauer, d Ulrike Derndinger, dr Ludwig Hillenbrand, dr Stefan Pflaum un d Christel Seidensticker gsii, 2014 dr Ludwig Hillenbrand un dr Stefan Pflaum un syt 2015 bilde dr Ludwig Hillenbrand, dr Stefan Pflaum un d Ulrike Derndinger all Johr d Jury.

Dr Bryys wird vergee in dr Sparte Prosa un Lyrik, yygee cha mer Byydreeg, wu nonig publiziert sin. Mit em Bryys verbunde isch e Bryysgäld vu 300 € fir dr erscht Blatz un 200 € fir dr zweet Blatz. Alli Nominierte cheme au helzerni Murre iber, wu vun eme Holzschnitzer us em Erzgebirg entworfe wore sin, un e ächti Murre zum Ässe.

Vergee wird dr Bryys bin ere effetlige Veraastaltig z Loor am zweete Mentig im Oktober, d Bryysdreeger*ne lääse dert ihri Siigerbyydreeg vor un dien zum Dail au no us andere Wärch vorlääse. Moderiert wird d Bryysverleiig als vum Heinz Siebold.

Syter 2016 wäre d d Bryysdreeger*ne als vum Schwarzwaldverain vum Loorer Stadtdail Richebach nomol yyglade iri Täxt bi re Veraastaltig in dr Richebacher Hammerschmitti im Summer no dr Verleiig vorzlääse.

Bi dr Verleiig 2024 het d Julia Fenstermacher, d Laiteri vu dr Loorer Mediathek, verchindet, ass d Loorer Murre im Joor 2025 zum letschte Mol uusdrait wird. Grind derfir sin dr Ruggang vu dr Yysändige iber d Joor un ass dr Dachverband der Dialekte Baden-Württemberg syter 2024 en Landespreis für Dialekt uusschrybt.

 

 

 

Yygee wore sin 40 Byydreeg, d Verleihig isch am 21. Novämber gsii.

• Prosa: 1. Blatz Margot Müller, 2. Blatz Heidi Zöllner
• Lyrik: kai erschte Bryys, 2. Blatz Simone Schneider

Yygee wore sin rund 30 Byydreeg, d Verleihig isch am 13. Oktober gsii.

• Prosa: 1. Blatz Nicole Keilbach-Schmittel un Wendelinus Wurth
• Lyrik: 1. Blatz Mariele Loy, 2. Blatz Inge Tenz

Yygee wore sin 35 Byydreeg, d Verleihig isch am 2. Novämber gsii.

• Prosa: 1. Blatz Carola Horstmann, 2. Blatz Hermann Billharz
• Lyrik: 1. Blatz Helga Rüdiger, 2. Blatz Christa Heimann-Buß un Caroline Burkart

Yygee wore sin rund 30 Byydreeg^[2], d Verleihig isch am 17. Oktober gsii.

• Prosa: 1. Blatz Joseph Schmittbiel, 2. Blatz Anita Vogel, Willi Keller un Anette Zirlewagen-Burzlaff
• Lyrik: 1. Blatz Kathrin Ruesch, 2. Blatz Michael Köhler

Yygee wore sin 21 Byydreeg.^[3] Bi dr fimfte Uusgab isch zum erschte Mol e Sonderbryys vergee wore, an dr elfjehrig Moritz Müller.

• Prosa: 1. Blatz Simone Schneider, 2. Blatz Wendelinus Wurth
• Lyrik: 1. Blatz Beate Reiner, 2. Blatz Anita Vogel
• Sonderbryys: Moritz Müller

Yygee wore sin rund zwai Dutzed Byydreeg^[4], d Verleihig isch am 8. Oktober gsii.

• Prosa: 1. Blatz Willi Keller, 2. Blatz Adelheid Ockenfuß
• Lyrik: 1. Blatz Kathrin Ruesch, 2. Blatz Daniel Gutmann

Yygee wore sin 16 Byydreeg^[5], 6 in dr Sparte Prosa, 10 in Lyrik. D Verleihig isch am 14. Oktober gsii. An Werner Weber isch e Sonderbryys vergee woore.

• Prosa: 1. Blatz Kathrin Ruesch, 2. Blatz Roland Burkhart un Brigitte Neidig
• Lyrik: 1. Blatz Willi Keller, 2. Blatz Wendelinus Wurth
• Sonderbryys: Werner Weber

Yygee wore sin 31 Byydreeg^[6], d Verleihig isch am 12. Oktober gsii.

• Prosa: 1. Blatz Daniel Gutmann, 2. Blatz Jürgen Sutter
• Lyrik: 1. Blatz Kathrin Ruesch, 2. Blatz Catharina Müller un Beate Reiner
• Sonderbryys: Gottfried Schweickhardt^[7]

Yygee wore sin 30 Byydreeg, d Verleihig isch am 11. Oktober gsii.

• Prosa: 1. Blatz Willi Keller, 2. Blatz Werner Fischer
• Lyrik: 1. Blatz Wendelinus Wurth, 2. Blatz Markus Manfred Jung un Sandhya Hasswani

D Verleihig isch am 12. Oktober gsii.

• Prosa: 1. Blatz Jörg Bertsch un Jürgen Sutter
• Lyrik: 1. Blatz Kathrin Ruesch, 2. Blatz Stefan Böhm

D Verleihig isch am 30. Oktober gsii, yygee wore sin 16 Byydreeg.

• Prosa: 1. Blatz Adelheid Ockenfuß, 2. Blatz Anita Vogel un Wendelinus Wurth
• Lyrik: 1. Blatz Willi Keller, 2. Blatz Gerlinde Marquardt

D Verleihig isch am 14. Oktober gsii, yygee wore sin 19 Byydreeg.

• Prosa: 1. Blatz Jörg Bertsch, 2. Blatz Catharina Müller
• Lyrik: 1. Blatz Daniela Dittel, 2. Blatz Heidi Zöllner un Jean-Christophe Meyer

  Commons: Loorer Murre – Sammlig vo Multimediadateie

• Loorer Murre uf dr Websyte vu dr Stadt Loor
• Mundart-Literaturwettbewerb (Badische Zeitung, 22. November 2013)
• Lahrer Murre für Mundartkünstler (Badische Zeitung, 14. Oktober 2014)
• Virtuoser Umgang mit der Sprache (Lahrer Zeitung, 15. Oktober 2014]
• »Lahrer Murre« für poetisches Alemannisch (Lahrer Zeitung, 4. November 2015)
• Preisträger der »Lahrer Murre« 2016 ausgezeichnet (Baden Online, 18. Oktober 2016)
• Über die Ortenau hinaus geschätzt (Badische Zeitung, 19. Oktober 2016)
• Hohe Qualität, weniger Einsendungen (Badische Zeitung, 18. Oktober 2017)
• Luftlinie mit Buggelwind (Badische Zeitung, 10. Oktober 2018)
• Die Mundartjury hatte es nicht leicht (Badische Zeitung, 16. Oktober 2019)
• Sechs Autoren sind beim Lahrer Murre-Mundartwettbewerb ausgezeichnet worden (Badische Zeitung, 13. Oktober 2020)
• Lahrer Mundartpreis geht an fünf ernste Texte (Badische Zeitung, 13. Oktober 2021)
• Die alemannische Mundart lebt (Schwarzwälder Bote, 13. Oktober 2022)
• Murre benötigt mehr Werbung (Badische Zeitung, 2. Novämber 2023)
• Der Lahrer Murre-Dialektpreis steht vor dem Aus (Badische Zeitung, 16. Oktober 2024)

1. ↑ Lahrer Zeitung, 4. November 2015
2. ↑ alli Byydreeg 2016
3. ↑ alli Byydreeg 2017
4. ↑ alli Byydreeg 2018
5. ↑ alli Byydreeg 2019
6. ↑ alli Byydreeg 2020
7. ↑ Dr Schweickhardt het e Sonderbryys kriegt fir di alemannisch Ibersetzig vun ere Gschicht, wun er im Mai 2020 im Stadtanzeiger Ortenau uf Hochdytsch vereffetligt het: [1]