Beerbessie

Die beerbessie (Arctostaphylos uva-ursi) is 'n plant uit die heidefamilie (Ericaceae). Die naam is gebaseer op die veronderstelling dat bere lief vir die vrugte sou wees.

Beerbessie
Struik met bessies
Bewaringstatus
Secure  (NatureServe)[1]
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Asterids
Orde:	Ericales
Familie:	Ericaceae
Genus:	Arctostaphylos
Spesie:	A. uva-ursi
Binomiale naam
Arctostaphylos uva-ursi (L.) Spreng. 1825

Die beerbessie het 'n holarktiese verspreiding:

• Die spesie kom in Europa van Ysland, die Noordkaap en Noorweë tot aan Suid-Spanje (Sierra Nevada), Italië (Alpe) en die berge van Noord-Griekeland voor.
• Dit kom in Asië van Siberië tot in Turkye, die Kaukasus en die Himalaja voor.
• Die spesie word in Noord-Amerika van Alaska, Groenland en Kanada tot in die Rotsgebergte van Meksiko aangetref.

In Nederland kom dit in die duine voor.

Die beerbessie is 'n struikie van 30-60 cm hoog met kruipende stingels, wat aan die top regop staan. Die glansende, groen, omgekeerd-eierronde blare bly sit een tot drie jaar aan die struik. Dit kry van Maart tot April (die lente) blommetjies. Die wit of pienk blomme vorm kort oorhangende trosse. Die bessies is rooi van kleur en word deur voëls geëet, maar hulle is giftig vir mense.