Gasa
- Hierdie artikel handel oor die Palestynse stad. Vir die Mosambiekse provinsie, sien Gaza.
Gasa of Gaza (Arabies: غزة; Hebreeus: עזה) is die hoofstad van die Gasastrook en die grootste stad in die Staat Palestina. Die stad het in 2017 'n bevolking van ongeveer 590 481 gehad. Israel is in beheer van die Gasastrook se lugweë en seeroetes.
Gasa غزة עזה Gaza | |
|---|---|
 Gasa in 2007 | |
  Gasa | |
| Koördinate: 31°31′0″N 34°27′0″O / 31.51667°N 34.45000°O | |
| Land |  Palestynse Owerheid |
| Gebied | Gasastrook |
| Regering | Gasa |
| Hoogte | 15−18 m (−44 ft) |
| Bevolking | |
| • Totaal | 449 221 |
| Demoniem(e) | Gasiet of Gaziet |
| Webwerf | www.mogaza.org |
Geskiedenis
wysigTeen 250 n.C. begin Christendom wyd verspreid in Gasa raak. Ná die verdeling van die Romeinse Ryk in die 3de eeu n.C. bly Gasa onder beheer van die Oos-Romeinse Ryk wat later die Bisantynse Ryk word, en 'n Christelike bisdom word in Gasa gestig. Bekering van die inheemse heidene na Christendom versnel tussen 396 en 420 n.C. onder Porfirius van Gasa, wat heidense tempels sloop. In 402 verorden Theodosius II die sloping van al agt van die stad se heidense tempels. Vier jaar later gee keiserin Aelia Eudokia opdrag dat 'n kerk op die bouvalle van die Tempel van Marnas gebou word. Opgrawings dui daarop dat ook 'n sinagoge waarskynlik in die 6de eeu n.C. in Gasa bestaan het.
Gasa word in 634 deur 'n Islamitiese weermag beleër en drie jaar later verower, en die Bisantynse garnisoen in 'n massaslagting uitgewis. Van die kerke word na moskees omgeskakel, waaronder die Groot Moskee van Gasa. 'n Groot deel van die bevolking bekeer hulle spoedig na Islam en die amptelike taal verander na Arabies.