Riverlea
Riverlea | |
|---|---|
  Riverlea Riverlea se ligging in Gauteng | |
| Koördinate: 26°12′40″S 27°58′30″O / 26.21111°S 27.97500°O | |
| Land |  Suid-Afrika |
| Provinsie | Gauteng |
| Munisipaliteit | Stad Johannesburg |
| Hoofplek | Johannesburg |
| Oppervlak | |
| • Totaal | 3,40 km2 (1,31 vk. myl) |
| Bevolking (2011)[1] | |
| • Totaal | 16 226 |
| • Digtheid | 4 772/km2 (12 360/vk. myl) |
| Rasverdeling (2011) | |
| • Wit mense | 0,2% |
| • Indiërs/Asiërs | 1,7% |
| • Bruin mense | 67,3% |
| • Swart mense | 29,6% |
| • Ander | 1,3% |
| Taal (2011) | |
| • Afrikaans | 37,7% |
| • Engels | 36,4% |
| • Zoeloe | 7,7% |
| • Tswana | 3,4% |
| • Ander | 14,8% |
Riverlea is ’n voormalige bruin voorstad van Johannesburg, 10 km suidwes van die stadsaal.
Dit lê nagenoeg tussen Longdale en Hoofrifweg in die noorde, Nasrecweg in die ooste (hoewel enkele straatblokke ook oos van die pad geleë is), die N17 in die suide en die N1 in die weste. Die grootste gedeelte van Riverlea lê noord van die hoofspoorlyn en ’n kleiner gedeelte suid daarvan.
Die voorstad is op die plaas Langlaagte aangelê en in 1967 geproklameer, toe dit 'n sogenaamde bruin groepsgebied was. Die naam is afgelei van ’n stroompie wat op die suidelike grens van die voorstad vloei. "Lea" kom uit Ou Engels en het eers "boomryke gebied" beteken, maar later "’n oopte in die woud" en eindelik net "oop gebied".
Demografie
[wysig | wysig bron]Riverlea het volgens die sensus van 2001 destyds 14 873 inwoners gehad, van wie 61,7% (9 171) bruin was en 36,5% (5 426) swart. Afrikaans was die huistaal van 35,3% van die inwoners en Engels 29,4% s’n. Tien jaar later het die bevolking toegeneem tot 16 226, van wie 67,3% (10 917) bruin was en 29,6% (4 794) swart, maar die grense is anders getrek sodat die plakkerskamp suid van Longdale vir die 2011-sensus se doeleindes by dié nywerheidsgebied ingesluit is, en nie by Riverlea nie. Die persentasie Afrikaanssprekendes sowel as Engelssprekendes het toegeneem, onderskeidelik tot 37,7% en 36,4%.
Bronne
[wysig | wysig bron]- (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers.
- (en) Adrian Frith, sensus 2001. URL besoek op 4 Februarie 2018.
- (en) Adrian Frith, sensus 2011. URL besoek op 4 Februarie 2018.
Verwysings
[wysig | wysig bron]- ↑ 1,0 1,1 1,2 1,3 "Subplek Riverlea". Sensus 2011.