Messier 56
| Messier 56 | ||||
| ||||
| Messier 56 soos afgeneem deur die Hubble-ruimteteleskoop. (Bron: Nasa/STScI/WikiSky) | ||||
| Soort stelsel | Bolswerm | |||
| Sterrebeeld | Lier | |||
| Waarnemingsdata (Epog J2000) | ||||
| Regte klimming | 19h 16m 35,57s | |||
| Deklinasie | +30º 11' 00,5" | |||
| Skynmagnitude | 8,3 | |||
| Besonderhede | ||||
| Afstand (ligjaar) | 32 900 (10 100 parsek) | |||
| Skynbare grootte | 8 boogminute | |||
| Massa | 2,3 × 105 sonmassas | |||
| Ander name | M56, NGC 6779, GCl 110, C 1914+300 | |||
| ||||
Messier 56 of M56 (ook bekend as NGC 6779) is ’n bolvormige sterreswerm in die sterrebeeld Lier. Dit is op 19 Januarie 1779 deur Charles Messier ontdek en daarna in sy katalogus van komeetagtige voorwerpe opgeneem.
Die sterreswerm is omtrent in die middel van ’n denkbeeldige lyn tussen die sterre Albireo (β Cygni) en Sulafat (γ Lyrae). Dit is sowat 32 900 ligjare[1] van die Aarde af en rofweg 84 ligjare breed, met ’n massa van 230 000 sonmassas.[2] Dit is sowat 31 000 tot 32 000 ligjare van die Melkweg se middelpunt af.[3]
M56 het ’n geraamde ouderdom van 13,7 miljard jaar en volg ’n retrograde (omgekeerde) wentelbaan deur ons sterrestelsel. Die eienskappe van die swerm dui daarop dat dit in die Melkweg kon beland het ná ’n samesmelting met ’n dwergsterrestelsel, waarvan Omega Centauri die oorblywende kern is. Die swerm is arm aan wat sterrekundiges metale noem – elemente benewens waterstof en helium.[4]
Die helderste ster in M56 se magnitude is 13 en die swerm bevat net sowat ’n dosyn bekende veranderlike sterre.
Verwysings
[wysig | wysig bron]- ↑ Ivanov, Valentin D. et al. (2000), Near Infrared Photometry of Galactic Globular Clusters M56 and M15. Extending the Red Giant Branch vs. Metallicity Calibration Towards Metal Poor Systems
- ↑ Boyles, J. et al. (November 2011), "Young Radio Pulsars in Galactic Globular Clusters", The Astrophysical Journal 742 (1): 51, doi:10.1088/0004-637X/742/1/51, Bibcode: 2011ApJ...742...51B.
- ↑ Bica, E. et al. (April 2006), "Globular cluster system and Milky Way properties revisited", Astronomy and Astrophysics 450 (1): 105–115, doi:10.1051/0004-6361:20054351, Bibcode: 2006A&A...450..105B
- ↑ Forbes, Duncan A.; Bridges, Terry (Mei 2010), "Accreted versus in situ Milky Way globular clusters", Monthly Notices of the Royal Astronomical Society 404 (3): 1203–1214, doi:10.1111/j.1365-2966.2010.16373.x, Bibcode: 2010MNRAS.404.1203F
Eksterne skakels
[wysig | wysig bron]- SEDS: Messier 56
- Galactic Globular Clusters Database
- Messier 56 op WikiSky: DSS2, SDSS, GALEX, IRAS, Hydrogen α, X-Ray, Astrophoto, Sky Map, Artikels en foto's
Wikimedia Commons het meer media in die kategorie Messier 56.
Hierdie artikel is vertaal uit die Engelse Wikipedia
