棉花
提示：呢篇文講嘅唔係木棉花。
棉花（粵拼：min4 faa1）係錦葵科棉屬嘅長年生常綠灌木，後嚟經過馴化咗之後先至變成一年生嘅草本植物，原產地喺中美洲、南美洲同印度嘅熱帶地區一帶。後嚟先至係造衫、被等紡織品嘅其中一種材料。
歷史
[編輯]最早出現種植棉花嘅記載，係喺四、五千年前印度河流域。後尾傳到地中海。公元1世紀，已經有人由阿拉伯將棉布帶到去意大利同埋西班牙。但要等到15世紀，棉花先至傳入英國，然後再傳入北美洲。
中國最早嘅棉布大約有成千年歷史。但詳細記載要等到元朝。當時元朝將棉布用作收稅，據記載每年可以多達十萬匹。
樣
[編輯]呢種植物可以生到6米高，但一般嚟講都係到1到2米到。佢嘅莖比較直，基部有分開嚟生嘅營養枝。花一般生喺樹杈，花色識自己變，一般係乳白色，開花之後跟住變黃，到咗晏晝就變紅，之後轉成深紅，第二日就變紫紅，喺就快謝鷄嗰時係暗啡色。喺花謝嗮鷄之後，留低[綠果仔響度，叫「棉鈴」。棉鈴熟咗之後識爆出柔軟嘅纖維。纖維多數呈白色，長度大約2至4厘米，入面重有嚿籽響度。
經濟效益
[編輯]棉花產量最高嘅國家有中國、美國、印度等。根據《中國紡織工業發展報告2010/2011》，2010年全球棉花產量係2,500萬公噸，中國作為全球最大嘅生產國就佔咗620萬公噸（24.8%）。含纖維素87-90%。