農作物（粵拼：nung4 zok3 mat6），舊時又嗌莊嫁（粵拼：zong1 gaa3）係經人類大量培植嘅植物，主要用嚟做嘢食同埋工業原料。
常見農作物包括甘蔗、粟米、小麥、稻米、木薯、黃豆、薯仔同埋棉花。
而家估計成個世界加埋嘅野生植物數量約莫喺卅萬種咁上下，其中人類會揀啲有利用價值嘅植物嚟栽培同改良，令佢有多啲經濟價值，而呢種植物就嗌做農作物。攞水稻做例子，野生稻嘅原產地可能喺東南亞，佢經過咗幾千年嘅栽培同馴化，卒之先變成大量噉畀人種植嘅農作物。
唔同款嘅農作物
