織田信長

織田信長
姓名原文	織田 信長
出生日	1534年6月23號
出生地	Nagoya Castle (16th century)、Shobata Castle
本名	吉法師
死亡日	1582年6月21號  （47歲）
死亡地	former site of Honnō-ji
死因	劏肚
國籍	安土桃山時代
識嘅語言	日文
信奉	神道、Nichiren Buddhism
職業	大名、military leader
配偶	Nō-hime、Kitsuno
仔女	Oda Nobutada、Oda Nobukatsu、Oda Nobutaka、Hashiba Hidekatsu、Oda Katsunaga、Toku-hime、Fuyu-hime、Tsuru-hime、Oda Nobutaka、Ofuri、Oda Nobuyoshi、Ei-hime、Genko-in、Getsumyoin、Nobuhide Oda、Nobusada Oda、Nobuyoshi Oda、Nagatsugu Oda、Oda Nobumasa、Oda Hideko、Hoon'in、Sannomarudono、Jigen-in
家族	Oda clan
阿爸	Oda Nobuhide
阿媽	Dota Gozen
兄弟姊妹	織田市、Oinu no Kata、Oda Nobuhiro、Oda Nobuyuki、Oda Nobukane、Oda Nagamasu、Oda Shinji、Oda Nobutoki、Oda Hidetaka、織田信照、Oda Nobuoki、Oda Hidenari、Oda Nagatoshi
[改維基數據]
睇 傾 改

織田信長（「長」字讀「獎」唔讀「詳」，日文：おだ のぶなが，天文三年五月十二—天正十年六月初二，即1534年6月23號—1582年6月21號）係日本戰國時代、安土桃山時代嘅大名。佢嘅苗字係織田，族姓有三種講法：忌部氏、平氏或藤原氏，佢自稱係藤原氏，但係實則上係忌部氏嘅講法係比較正確，幼名吉法師。喺尾張國出世（而家日本愛知縣北部）。佢成功控制江近地方為主嘅日本政治文化核心地帶，令到織田氏做咗日本戰國時代最重要嘅大名。法名總見殿贈大相國品泰巖尊儀，生前宮至正二位右大臣，死後被大正天皇追贈為正一位太政大臣。

織田信長喺1534年生於尾張國那古野城（而家嘅名古屋市，亦有一個講法係勝幡城），係尾張守護代旗下三奉行之一織田信秀嘅大仔（重有一個庶兄叫津田信廣），阿媽係信秀正室土田御前，同母細佬有信行、信包同秀孝。少年嗰陣佢做人荒誕不羈，俾人嘲為「尾張嘅大傻瓜」。1548年，同美濃國大名齋藤道三大女齋藤歸蝶政治婚姻。德川家康細個嗰陣曾經係織田家人質，當時後生嘅信長同家康有一段一齊嘅快樂時光，呢件事後來成為兩人日後同盟（清洲同盟）嘅一大助力。

織田信秀喺尾張重未統一加上喺強敵今川義元嘅內憂外患下，終於喺1551年因酒色過度中風而死。嫡長子信長咁就繼承家督。喺信秀嘅葬禮上，信長反傳統咁樣對老豆嘅祭壇投擲抹香而引起爭議（呢件事懷疑係有後人捏造出嚟嘅）。無耐信長嘅傅役兼大老平手政秀以自己唔能夠教好信長而切腹自盡。之後織田家嘅分裂越嚟越嚴重，其中同母細佬織田信行係最大嘅分裂勢力。織田信行同部份家臣（柴田勝家同林通勝）以推翻信長成為新家督為目標，最後喺稻生會戰中被信長打敗。信行喺1557年被織田信長喺清洲城毒殺。冇幾耐，信長就將周圍反對佢嘅勢力全部掃平，統一咗尾張國。

1560年，喺尾張東南邊嘅駿河國，控有駿河、遠江、三河三國，當時國力如日中天，人稱「東海道第一弓」嘅名將今川義元帶住兩萬五千大軍（以「北條五代記」嘅講法），並對外號稱有四萬大軍上洛覲見將軍。由於上京之路必經尾張，信長唔肯臣服，決定興兵對抗。面對比佢大幾倍嘅軍隊，得3000兵力嘅織田信長發動強襲，利用當日落大雨，導致視線好差嘅情勢衝入桶狹間狙擊位於後面嘅今川義元本陣而獲得大勝，今川義元戰死。信長一戰成名，威震日本，而今川家就日漸衰敗。兩年後佢同德川家康結盟，開始一統天下嘅計畫。

1567年織田信長發動對美濃稻葉山城嘅總攻擊。喺內外配合嘅優勢下徹底打垮齋藤家霸晒成個美濃。同年信長遷居稻葉山城，取中國周朝龍興之地岐山嘅「岐」字，將佢改名為岐阜。並制作咗「天下布武」之印，以岐阜為根據地，展開往後長達15年嘅統一日本之路。1568年藉著擁立室町幕府第15代將軍足利義昭為由，同德川家康率領號稱六萬人嘅聯合大軍南向上洛。喺同盟淺井長政嘅配合下，織田同德川聯軍逐一擊潰六角家、北畠家、三好家等諸侯，拎咗南近江國、伊勢國、大和國、攝津國，將自己嘅力量擴張到近畿同東海一帶。

之不過好景不常，越前國大名朝倉義景同淺井長政聯手反對信長，喺討伐朝倉氏嘅期間，淺井長政突然叛變，造成信長北面受敵，於是織田信長決定討伐淺井長政同朝倉義景先，並且同德川家康於姉川之戰聯手將佢哋擊敗。

1570年，全國各有力嘅大名開始以將軍足利義昭為中心聯合抗擊信長，叫信長包圍網。包圍網中最強嘅大名係武田信玄，信玄原本諗住趁機一舉擊敗德川家同埋織田家，點知道大敗德川家康嘅三方原會戰之後就壯志未酬病死咗。信玄死後，織田信長對各大名採取逐個擊破嘅方式，除咗消滅淺井長政同埋朝倉義景之外，同埋於1573年將足利義昭逐出京都，包圍網因而重挫。之後同埋德川家康喺長篠之戰中擊敗名將武田信玄個仔武田勝賴，信長包圍網至此大致崩盤。

1573年，殘酷鎮壓一向宗暴動。隨後成為幾乎囊括整個京畿地帶嘅霸主。

一向宗係日本佛教宗派淨土真宗嘅別稱，有好多農民信。一向宗喺本能寺嘅集會活動，有組織信徒開展武裝抗爭嘅作用。喺15世紀開始，就有信徒開始唔交地租同捐稅，跟住開始暴動。到咗1488年，本願寺所在嘅加賀國（而家嘅石川縣）發生咗激烈嘅一向一揆暴動：一向宗信徒同國人聯手推翻咗守護大名富樫政親，更而控制咗當地政權。暴動曾幾次搞到德川家康五顏六色。喺本願寺嘅號召下，信徒浴血抵抗織田信長嘅討伐成十年咁耐。1582年一向宗領袖本願寺顥如俾信長包圍而投降，持續咗百幾年嘅一向一揆至此玩完。

信長喺1576年搬咗去新起喺南近江（今滋賀縣）嘅安土城，喺呢度作為佢統一天下嘅最終基地。隔咗一年同名將上杉謙信喺手取川交戰輸咗，但信長嘅力量並冇明顯衰退，反而上杉謙信打完仗後無耐就死咗，令信長少咗個強敵。到咗1582年信長自盡前，佢終於消滅宿敵武田家，家督武田信勝同佢老豆武田勝賴喺天目山自盡。呢個時候織田家同埋盟軍已經將勢力擴張到日本近畿、甲信、東海、北越、中國、關東、四國等地，距離信長統一日本唔遠。

1582年，信長開始支援羽柴秀吉對中國地方嘅征伐，喺夜宿京都嘅本能寺嗰陣，遇到前往支援羽柴秀吉作戰嘅部將明智光秀突襲，抵抗咗一陣間之後失蹤埋，一般相信死喺寺入面（當時本能寺已被大火燒咗），當年49歲。而大仔織田信忠逃到附近嘅二條御所抵抗明智大軍，最後亦打唔贏。史稱本能寺之變。

織田信長掌權期間，撤除國境上嘅關所（收取過路關稅嘅檢查站）、設立樂市鼓勵商業。積極鼓勵自由貿易，獎勵技術革新。信長重推行新嘅大名制度，令各地嘅地方制度更加完善。

• 織田四天王－柴田勝家、丹羽長秀、明智光秀、瀧川一益
• 京都所司代－村井貞勝
• 親婿－蒲生氏郷、筒井定次、丹羽長重、前田利長
• 其他有力重臣－池田恆興、前田利家、佐佐成政、金森長近、林通勝、森可成、森長可、細川藤孝、筒井順慶、羽柴秀吉

• 織田市

• 正室：齋藤歸蝶（即濃姬）
• 側室：生駒吉乃
• 側室：阿鍋之方
• 側室：原田直子
• 側室：阪氏
• 側室：土方氏
• 側室：慈德院殿（織田信忠嘅奶媽）

（按長幼排列）

1. 織田信正（信長嘅庶長子，津田信廣嘅養子）
2. 織田信忠（信長嘅嫡長子）
3. 北畠信雄（北畠具教嘅養子）
4. 神戶信孝（神戶具盛嘅養子）
5. 羽柴秀勝（羽柴秀吉嘅養子）
6. 津田勝長（先後係遠山景任同武田信玄嘅養子）
7. 織田信秀
8. 織田信高
9. 織田信吉
10. 織田信貞
11. 織田信好
12. 織田長次

1. 冬姬
2. 五德
3. 秀子
4. 永姬
5. 鶴姬
6. 三之丸殿

1. 織田秀信（織田信忠個仔）
2. 織田秀則（織田信忠個仔）
3. 織田秀雄（織田信雄個仔）

1. 勝龍院殿

1. 津田信澄

• 信長公記

• 山岡莊八：織田信長
• 風卷絃一：織田信長
• 司馬遼太郎：國盜物語

• 《信長戰記》
• 戰國奇譚妖刀傳
• 犬夜叉
• 鬼眼狂刀KYO
• 信長﹙原題：TENKA FUBU 信長﹚ 長手由佳著
• 信長 原作：工藤かずや 作畫：池上遼一
• 《戰國STARYS》
• 閃電十一人GO時空之石

• 影武者
• 戰國自衛隊1549
• 女信長

• 關於信長嘅NHK大河劇
  • 1965年太閤記（信長：高橋幸治）
  • 1969年天與地（信長：杉良太郎）
  • 1973年國盜物語（信長：高橋英樹）
  • 1978年黃金的日子（信長：高橋幸治）
  • 1981年女太閤記（信長：藤岡弘）
  • 1983年德川家康（信長：役所廣司）
  • 1988年武田信玄（信長：石橋凌）
  • 1989年春日局（信長：藤岡弘）
  • 1992年信長 KING OF ZIPANGU（信長：緒形直人）
  • 1996年秀吉（信長：渡哲也）
  • 2002年利家與松（信長：反町隆史）
  • 2006年功名十字路（信長：館廣）
• 大河劇以外嘅時代劇
  • 1998年織田信長、取得天下的傻瓜（信長：木村拓哉）
  • 2003年太閤記　被稱為猴子的男人（信長：藤木直人）
  • 2005年國盜物語（信長：伊藤英明）

• 信長之野望系列：幾乎係每個作品嘅封面人物
• 戰國無雙：玩家用得嘅角色
• 決戰3：主角
• 英傑傳系列織田信長傳：主角
• 戰國BASARA：玩家用得嘅角色
• 鬼武者：喺遊戲入面係妖魔
• 怪物彈珠 : 玩家抽返嚟嘅5星角色
• 美男戰國：角色

• 戦国安土城・織田信長記