碗

碗係比較深嘅圓形嘅容器，碗口闊而碗底窄，下有碗腳。一般用途係裝嘢食，碗因為體積比鍋、盂細而可以用手拎。

上闊下窄嘅形態，放喺平地上係唔穩定嘅，根據考古學家推測，古人對碗嘅使用，可能係最初係放喺地下挖出嘅坑入面嘅。

佢嘅起源目前無從稽考，不過可追朔自古代嘅泥製容器，有陶瓷、木、石、壓克力、玻璃、琉璃、椰子等材料，製作精美嘅骨董碗係收藏家至愛。