佛蘭明歌

  想搵同音譯名嘅其它事物嘅話，請睇佛蘭明哥。

佛蘭明歌（西班牙文：Flamenco）係源自 18 世紀尾西班牙南邊安達盧西亞地區嘅一種音樂、歌曲（Cante）同舞蹈（Baile），深受當地摩爾人同猶太人影響，仲吸收咗大量羅姆人（吉卜賽人）藝術特性。佛蘭明歌相當有影響力，對歌劇等嘅演藝都有造成影響。到咗廿一世紀初，好似美國同日本等地都有開學校專門教佛蘭明歌相關嘅藝術^[1]。

佛蘭明歌嘅歌有得再細分做幾種，當中 cante jondo 係最強烈嗰種，出咗名有啲音樂會用到一段節拍 12 吓拍子呢種極端嘅節奏，例如第 3、6、8、10 同 12 吓拍子強（兩段三拍子然後三段兩拍子），拍號上會係混合 6/8、3/4 或者 12/8，而且 cante jondo 啲歌喺主題上會表達死亡同絕望等強烈哀怨嘅情緒。

• 結他，佛蘭明歌音樂成日會用嘅樂器。

  呢篇佛蘭明歌係一篇關於音樂嘅楔位文章。你可以編輯呢版充實內容。