惰性氣體

稀有氣體（粵拼：hei1 jau5 hei3 tai2），又叫惰性氣體（do6 sing3 hei3 tai2）、貴重氣體（gwai3 cung5 hei3 tai2）、貴族氣體（gwai3 zuk6 hei3 tai2）、貴氣體（gwai3 hei3 tai2）、高貴氣體（gou1 gwai3 hei3 tai2）或者鈍氣（seon4 hei3），係指元素周期表上嘅第18 (8A)族元素（IUPAC新規定，即原來嘅0族），響常溫常壓下，佢哋全部都係冇氣味，冇色，單原子氣體，同埋其反應性非常低。天然存在嘅惰性氣體有六種：氦（He）、氖（Ne）、氬（Ar）、氪（Kr）、氙（Xe）同具放射性嘅氡（Rn）。而鿫（Og）以人工合成嘅惰性氣體，非常唔穩定，半衰期好短。

惰性氣體嘅特性可以用現代嘅原子結構理論來解釋：佢哋嘅最外電子層嘅電子已經「滿」（即已經達成八隅體狀態），所以佢哋非常穩定，極少進行化學反應，至今得幾百種稀有氣體化合物成功備製。每種稀有氣體嘅熔點同埋沸點非常接近，溫度少於10 °C（18 °F）嘅差距，因此佢哋只可以響好小嘅溫度範圍內以液態存在。