專業旅運

專業旅運有限公司（港交所：01235，香港旅行社牌照號碼：350709）係香港一間旅行社，1986年創辦，分行超過60間，重有網上部門。公司主要業務係代理訂機票、各地酒店訂房、自由行、機票加酒店套票、各地旅行團、郵輪假期、各地旅遊簽證、交通工具安排、旅遊保險同埋獨立包團等等。專業旅運有限公司而家係IATA等多個國際旅遊組織嘅會員。

專業旅運網站係幾本地化嘅旅遊交易平台，重不時更新網台旅遊節目，亦有編輯推介同手記，圖文並茂介紹各個旅遊地點嘅嘢。

2011年9月準備以「專業旅運（亞洲）企業有限公司」名義喺香港聯合交易所招股上市^[1][2]。上市價63港仙，原訂9月29號掛牌，因為嗰日香港聯合交易所停市而要延遲到9月30號。嗰日最高交易價57港仙，最低交易價46港仙，收市報47港仙，比上市價低25.4%。