生肖

对汉族人来讲，包括(顺序)：鼠、牛、虎、兔、龙、蛇、马、羊、猴、鸡、狗、猪。

因为地支搭仔生肖侪有十二只，葛咾每个地支侪对应一个生肖。譬如讲子年个人属老虫(鼠)，丑年个人属牛咾啥。

生肖呢一个周期为12年。人个岁数等于12个倍数呢称为本命年。另外，由于地支个周期也是12年，搭仔“生肖”首尾完全对应，本命年也可以认为是“地支”个周期倍数。

• 推算：规则为依据农历推算。比方讲1956年为丙申年，到1968年（戊申年）搭1980年（庚申年）侪是本命年。搿三个年份均为“生肖”个猴年，依照干支纪年，搿三个年份分别为“丙申”、“戊申”搭仔“庚申”，其中“地支”部分侪是“申”。

具体个对应关系为：子鼠、丑牛、寅虎、卯兔、辰龙、巳蛇、午马、未羊、申猴、酉鸡、戌狗、亥猪

生肖属是啥个个人一般勒渠个本命年，依各地风俗有勿同习惯搭仔禁忌，辟如讲：戴“红腰带”、“红手链”等要戴“红”个习俗，有些地区行佩戴相合生肖个饰物，外加一戴就是一年。台湾、香港个本命年搭仔正冲年出生个人有安太岁个习俗。

印度也有十二生肖，渠个名称、顺序是：鼠、牛、狮、兔、龙、蛇、马、羊、猴、金翅鸟、狗、猪。据说，十二生肖本来是十二神将个坐骑。

越南个十二生肖里向，卯年对应个勿是兔年，而是猫年。除此以外，越南个生肖跟中国个生肖一式一样。

老大吱一吱，老二好力气，老三名头大，老四钻柴罅，老五迫天边，老六倒路边，老七吃黄粱，老八白洋洋，老九猢狲人，老十应天鸣，十一放夜官，十二好上碗。