Latén d' eglijhe

Li latén d' eglijhe, c' est l' latén k' esteut dins les paroles des messe, vepes, ôtes ofices et priyires catolikes, do tot cminçmint di l' Eglijhe disk' å djoû d' ouy, po sacwants ofices eternåcionås.

El Walonreye, ci fourit insi disk' e 1965; après, li Concile Vatican II leya eployî les lingaedjes des djins po fé messe.

Adon, disk' a cisse date la, li latén d' eglijhe esteut li troejhinme lingaedje (après l' walon et l' francès) ki tos les Walons polént ôre tos les djoûs. C' est po ça k' i gn a tote ene cåkêye di mots walons k' ont stî rcalkés do latén d' eglijhe.