Moxhe (viyaedje)

Moxhe (/mɔç/ /mɔh/ ^{aschoûtez lu} u /mɔʃ/^[1][2]; e sistinme Feller, Mohe u Moche; fr: Moxhe^[3]), c' est èn ancyin ptit ban del Walonreye, rebané avou Hanu el province di Lidje.

• Limeros del posse :
  • asteure : 4280
  • davance : 4271
• Limero diyalectolodjike : W 60
• Arondixhmint : Wareme
• Lomaedje des djins did la: Moxhwès, Moxhwesse^[4] (F. Moxhois, oise)^[5]
• Nombe di dmorants : 1709: 17; 1806: 444; 1866: 570; 1976: 427; 2005: 611.
• Stindêye: 441 ectåres.^[6]

• Moxhron
• Moxhrea
• Limpreur
• Li coron d' Moxhe (Moch)

• rowe del goidje (F. rue del Gotch)
• Moxhri (Mohery)

Moxhe est metou 9 kilometes di Wareme ey a 13 km et dmey di Hu.

Metou a costé d' on fond, todi a frexhisses cwand i ploût, pask' i c' est del foite tere ki n' si spoujhe waire. Did la si etimolodjeye: li tîxhon Mosca (crouweur).

Moxhe, et ses hamteas Moxhron eyet Limpreu, estént metous sol pavêye rominne Bavai-Cologne. Gn aveut, ecramieyes dins l' ban, des teres do Prince di Lidje, do Duk di Braibant eyet do Conte di Nameur.

Metans, l’ eglijhe do viyaedje, lomêye d’ après l’ Sint Gangoûfe, esteut avou Lidje, toltins kel måjhone do curé esteut sol tere namurwesse. Cwand les Francès ont-st evayi l' Walonreye (1795), il ont rmetou eshonne les bokets do viyaedje.

El 12 d’ awousse 1914, cwand les Almands ont-st abroké el guere di 14, on-z a fwait wachî bråmint do sonk a Moxhe (gn a yeu bråmint des moirts).

I gn a so les cmons Wikipedia des imådjes ou fitchîs son a vey avou Moxhe (viyaedje) .

1. ↑ so Nameur (TG1 p. 38).
2. ↑ C' est les prononçaedjes classikes do scrijha xh rindant li betchfessî xh e rfondou walon.
3. ↑ Li scrijhaedje francès moenne a on prononçaedje del lete x a môde francesse */mɔks/
4. ↑ cawete -wès (noûmot do walon, atåvlé e 2008); li cawete -î si maxhreut avou des mots come «moxhî».
5. ↑ Jean Germain Avis de recherche : Wallons, comment vous appelez-vous, Vers l'Avenir, 24 d' octôbe 2007.
6. ↑ E203 a «Moh».