Maria Antonia van Ôostnryk

Maria Antonia van Ôostnryk (Maria Antonia Josepha Benedicta Rosalia Petronella) (Wenen, 18 januoari 1669 - Wenen, 24 december 1692) was d' oudste dochter en 't ênigste overlevend kiend van keizer Leopold I van 't Heilig Rooms Ryk en Margaretha Theresia van Spanje. Ze stierf kort achter de geboorte van heur zeune Joseph Ferdinand.

Heur geboorte was 't resultoat van e lange tradiesje van inteelt by d' Habsburgers binst de 16e en 17e êeuwe. Heur voader Leopold was de noenkel van heur moeder. Ook heur grôotouders langs moederskant keunienk Filips IV van Spanje en keuniginne Maria Anna woarn noenkel en nichte. Sedert heur jeugd was Maria Antonia een intelligent en gecultiveerd meisje die de passie van heur ouders voor muziek dêelde.

Deur bemiddelienge van heur voader trouwde ze de 15ste juli 1685 mè keurvorst Maximilian II Emanuel van Beyern. Ze woarn styf oengelukkig getrouwd.

• Leopold Ferdinand (22 meie 1689-25 meie 1689), prins van Beyern, stierf drie doagn achter de geboorte
• Anton (dôodgeboorn 28 november 1690), prins van Beyern
• Joseph Ferdinand (27 oktober 1692-6 februoari 1699), prins van Beyern, prins van Asturië, stierf ost 'n zes joar was

Maria Antonia wierd achter heur dôod bygezet in de Kapucyner Grafkelder (Kapuzinergruft) in Wenen, neffest heur vroeggestorvn moeder.

Ofbeeldiengn die ier by passn ku je vien in de categorie Maria Antonia of Austria van Wikimedia Commons.