Sarahein
| Sarahein | ||||||||||||
|---|---|---|---|---|---|---|---|---|---|---|---|---|
 Carex hirta Saksanmas, se om heimon tipine erik | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Cárex L. (1753) | ||||||||||||
| Areal | ||||||||||||
 | ||||||||||||
|
Sarahein (latin.: Carex), mugažo Sohein paginoiš, om äivoččiden heinäsižiden kazmusiden heim. Mülütadas Saraheinižed-sugukundha. Heim mülütab pol'tošt vai kaks' tuhad erikoid.
Leviganduz
[vajehta | vajehtada lähtetekst]Heimon erikod kazdas kaikil kontinentil, kaikiš londuseližiš zonoiš, no enamba kaiked Pohjoižen mapoliškon venos i vilus vöiš. Läz ei ole erikoid räkiš letkesižiš rahvahatomiš maiš (Afrikan i Arabijan pol'saren rahvahatomad mad). Erikoiden arealan tahondad vajehtadas znamasižikš aigan mändes, endemikad oma kaičenus mägitahondoiš i izoliruidud sijiš vaiše (oz., Uz' Zelandii). Kaik om 103 erikod Venäman Arktikas.
Saraheinäd formiruidas kazmuskatet znamasižes märas. Erikoiden enambuz navedib nepsut i kendäkoid.
Ümbrikirjutand
[vajehta | vajehtada lähtetekst]Kaidoiden lehtesiden röun om terav, henoidenke piidenke pilan kartte. Lehtesed kazdas koumeks riveks, se om Saraheinižiden eriližuz. Henod änikod kazdas tähk-änikusel, kaikuččel seikhel.
Kazmused sädas nenid elonformid: mäthad, maturbhad, ühtenzoittud ližajuril vezoiden žomad.
Kävutand
[vajehta | vajehtada lähtetekst]Sarahein om turbhan päkomponent, reskveden akkumulätor. Äjiden vezilinduiden ümbrišt da söte.
Ištutadas seižujaks dekorativižeks kazmuseks, puhtastamha vezištoid i vahvištamha mahust. Erasiden erikoiden lehtišt om hüväks sötkeks kodiživatoiden täht.
Ottas kävutamižhe lehtesid, seikhid i jurid rahvahanmedicinas, kacmata erikho paksus. Kazmusen äjad tervehtajad ičendad oma tedoitud vähän, Carex brevicollis-erik om lasktud farmakologijas.
Valitud erikod
[vajehta | vajehtada lähtetekst]- Carex baccans — Marjantoi sarahein
- Carex buchananii — Buhananan sarahein
- Carex flava — Pakuine sarahein
- Carex hirta — heimon tipine erik
- Carex macrocephala — Sur'päine sarahein
- Carex montana — Mägisarahein
- Carex nigra — Must sarahein
- Carex paniculata — Löustkekaz sarahein
- Carex pendula — Rippui sarahein
Homaičendad
[vajehta | vajehtada lähtetekst]
 |
Sarahein Vikiaitas |