Närpes

Närpes (veps. i roč.)
Närpiö (suom.)
	Lidnanznam;
Valdkund	Suomenma
Eläjiden lugu (2024)	9,583 ristitud
Pind	2,334,14 km²
Pämez'	Mikaela Björklund; (2020—)
Telefonkod	+358-
Aigvö	tal'vel UTC+2,; kezal UTC+3

Lidnankundan sijaduz agjas i valdkundas (2020)

Närpes (mugažo ročin kelel, sijaline ročin virkand: [ˈnærpːes], suom.: Närpiö [ˈnærpiø]) om Suomenman lidn da lidnankund valdkundan suvipäivlaskmas, Botnižen lahten randpolel. Se om Pohjanma-agjan koumanz' lidnankund kudespäi eläjiden lugun mödhe.

Istorii

Municipalitetan aluz om pandud vl 1867. Mülütihe kaht küläkundad Närpesha vl 1973: Ülimarkku i Pirttikülä (paloin). Kund sai lidnan statusad (suom.: kaupunki) vn 1993 1. päiväl vilukud.

Närpes šingotase avtoližavedamiden tehmižel jüguavtoiden täht (rujonvedimed, «Ab Närpes Trä & Metall – Oy Närpiön Puu ja Metalli») i kazmuzhonusiden järedal ižandusel: 77 ga i 1200 radnikad anttas Suomenman tomatoiden koume videndest i kurkuiden koumandest. Fortum-koncernan tulleielektrostancii om sauvomas vll 2019−2021.

Geografijan andmused

Lidnankundan keskuz sijadase ühtennimižen jogen randoil (roč.: Närpes å, suom.: Närvijoki / Närpiönjoki) kümnes kilometras sen lanktendaspäi merhe, agjan suvipäivlaskmas.

Matkad agjan Vas-keskushesai om 70 km pohjoižhe orhal vai 82 km avtol, Hel'sinki-pälidnhasai om 320 km suvipäivnouzmha orhal, 362 km avtotedme vai raudtel. Lähembaižed lidnad avtotedme oma Kaskinen (mererandal) vižtoštkümnes kilometras suvhe-suvipäivlaskmha i Kristiinankaupunki (mererandal) 25 km suvhe. «Kaskinen — Kurikk»-raudtekeskust läbitab kundad.

Vn 2022 andmusiden mödhe lidnankundan pind om 2334,14 km², sidä kesken kuivma — 977,82 km², vezi i sokaz tahond ottas 7,66 km², meri om 1348,66 km².

Tobmuz

Närpesan municipaline suim kogoneb 35 ezitajaspäi.

Hans-Erik Lindkvist (Hans-Erik Lindqvist, 2007 — uhoku 2020).

Eläjad

Vl 1980 Närpesan kundan eläjiden lugu oli 10 816 ristitud (kaikiš suremb ristitišt vspäi 1980), lidnankundan: vl 2000 — 9 769 ristitud, vl 2010 — 9 435 ristitud, vl 2020 — 9 479 ristitud. Ristituiden pol' eläb lidnankundan keskuses.

Vn 2016 andmusiden mödhe, suomen kel' om mamankeleks 5,4 % täht lidnalaižišpäi, ročin kel' — 81,4 %, toižed keled — 13,2 %. Edel 2016. vot kundan oficialine kel' oli üks'jäine — ročin kel', jäl'gmäine mugoine kund kontinentaližes Suomenmas.