Riff
El riff el ze na fraza muzegal (o sia na manizada de note co na pròpia identità espresiva, come ło ze in łenguìstega la fraze de un descorso) che 'l se repete frecuentemente drento na conpozision e che vien utiłizà de sòłito cofà conpanjamento. El tèrmene el ze probabilmente na scurtada e alterasion de refrain [1] (refrain→ref→rif→riff).
Un séłebre ezenpio de riff inte'l rock un roll el ze prexente in (I Can't Get No) Satisfaction dei The Rolling Stones o sanò, inte ła mùzega rock, el ze dà da l’introdusion de ghitara dei Deep Purple in Smoke on the water; inte'l sotozènare hard rock spica cueło de Jimmy Page in Whole Lotta Love dei Led Zeppelin. Un ezenpio de riff inte ła mùzega clàsega, zènare indove che A se uza pì propiamente el tèrmene ostinato, el ze dà da'l Boléro de Maurice Ravel.
Inte ła mùzega jazz el se caratariza cofà na curta fraze muzegałe, senplise, zenaralmente fàsiłe da recordar, destinada a durar pì o manco a łongo, normalmente el dòpara cofà sotofondo a improvizasion sołìsteghe, ma che'l pol anca costituir el nucleo de un brano muzegałe.
Pì in zenerałe ła paroła riff ła ìndega brevità, repetision e tension ritmega e ła xz de frecuente asosià a un spesìfego strumento (inte ła mùzega rock prensipalmente ła chitara): el difarise donca da l’asoło, che'l ze caraterizà in zènare da un serto virtuozizmo, sensa ripetision de ła mełodìa, ma soło de łe struture armòneghe. A volte anca el Baso ełètrego el pol sonar dei riff; racuanto famoza A ze l’introdusion de Do I Wanna Know? dei Arctic Monkeys, Seven Nation Army dei The White Stripes o Another One Bites the Dust dei Queen.
Par cełułe repetitive pì prołongàe (o a carater rełasà) A se uza serte volte el tèrmene groove: 'st'ùltemo l’è asosià a un ritmo marcà e divartente in contrapozision a'l ritmo mełòdego de'l riff. Zeneralmente el riff el vien uzà soratuto par darghe pì muzegałità a un testo.
Notasion
[canbia | canbia el còdaxe]Altri projeti
[canbia | canbia el còdaxe]Wikimedia Commons el detien imàjini o altri file so Riff
el detien schemi gràfeghi so
Linganbi foresti
[canbia | canbia el còdaxe]- riffTreccani.it – Enciclopedie on line, Istituto de ła Ençiclopedia Italiana.
| Controło de autorità | GND (DE) 4178143-0 |
|---|