Caotasto
El caotasto, o cao tasto (de raro cao d'astro o caodastro), xe un conponente de alguni strumenti muxicałi cordofoni (ad exenpio archi e chitare) che se cata a l'estremità de la tastiera e tien sołevàe łe corde da ła medèma. In xeneràl el xe reałixà in avòlio, ebano o altri łegni duri.
El caotasto inferior, prexente inte i strumenti ad arco, se cata invesse a l'estremità oposta de ła casa respéto al mànego e funge da pónto dep puxo par el fiło che gà ła cordiera fissàda al botón. Anca staltro xe comunemente reałixà in ebano o altro łegno duro.
Ne ła tecnica muxical se indica co caotasto mobiłe un dispoxitivo a pinsa uxà in un strumento a corde par scursàr le corde, inalsando quindi ła tonalità. El xe uxà anca par chitare, mandołìni e banjo. G.B. Doni gà uxà par primo el termine inte el so Annotazioni del 1640, tutociò xe probàbiłe che l'uxo del caotaso mobiłe sipia scomissià ptima inte el dixiseteximo secòło[1]. Vari tipi de caotasto mobiłe uxa mecanismi difarenti, ma ła maxór parte utiłixa na sbaréta de goma par schissàr le corde, fissà co na strica de łàstego o nylon e na boconadìna de metàło o na pinsa.
El termine massapeòci caotasto indica na tecnica pròpia del viołonsèło e del contrabaso, che consiste inte el puxàr el massapeòci de ła man sànca sòra de na corda, invese de łassarlo ancorà soto el mànego, permetendo de coverxer co ła man sànca travàłi più anpi.
Note
[canbia | canbia el còdaxe]- ↑ Harwood, Ian: 'Cao tasto [cao]', Grove Music Online ed. L. Macy (accesso 26 zugno 2008)
Altri projeti
[canbia | canbia el còdaxe]Wikimedia Commons el detien imàjini o altri file so Caotasto
