Moriago de ła Bataja
  | |||||||||||
| Pozision | |||||||||||
|---|---|---|---|---|---|---|---|---|---|---|---|
| Stato | Itàłia | ||||||||||
| Rejon | Vèneto | ||||||||||
| Provinsa | Trevizo | ||||||||||
| Capitałe | Moriago della Battaglia (it)  | ||||||||||
| Popołasion | |||||||||||
| Totałe | 2 827 (2023) | ||||||||||
| Densità | 205,45 hab./km² | ||||||||||
| Zènaro |
| ||||||||||
| Zeografia | |||||||||||
| Àrea | 13,76 km²[1] | ||||||||||
| Altitùdene | 119 m | ||||||||||
| Rente a | |||||||||||
| Dati istòreghi | |||||||||||
| Dì festivo | Festa patronałe(6 de novenbre)
| ||||||||||
| Patrono | San Leonardo | ||||||||||
| Còdazi de identifegasion | |||||||||||
| Còdaze postałe | 31010 | ||||||||||
| Còdaze de matricołasion | TV | ||||||||||
| Fuzo oràrio | |||||||||||
| Clasifegasion climàtega | clima subtropegałe ùmido | ||||||||||
| Prefiso tełefònego | 0438 | ||||||||||
| ID ISTAT | 026048 | ||||||||||
| Còdaze catastałe de Itàlia | F729 | ||||||||||
| Sito web | comune.moriago.tv.it | ||||||||||
|
| |||||||||||
Moriago (par talian: Moriago della Battaglia), calche olta apocopà "Moriac" (pron: /mo'ɾjak/) . L'é un paeze vèneto co 2800 abitanti (ISTAT 2017), de la alta marca trevizana, situà inte'l stato de l'Italia.
Orìdhen de'l nome
[canbia | canbia el còdaxe]El topònemo el riva provabelment da'l nome personal latin Maurilius, adatament de'l thèltego Mawrwr co'l senjifegà de benévol. Anca el sufiso "ago" l'é tìpego de i topònemi de orìdhen thèltega (-acus).
Dheografìa fìzega
[canbia | canbia el còdaxe]L'é logà inte'l thentro de la piana che la à par confin le rive de Vidor, de Fara e de Refróntol a Nord e a Òvest, el Colalt a Est, e la Piave e el Montel a Sud. El teritori de'l comun de Moriac l'é ocupà inte ła só part setentrional da na palù bonifegada ciamada aponto "i Palù", termenada da la roja Rosper e da la roja artifithial Rabos. La part restante l'é na piana luvional che la riva fin a la Piaf, tajada a metà via in senso est-òvest da'l slainà (o slainath), l'antigo àrdhen de la piave.
Storia
[canbia | canbia el còdaxe]La prezentha de 'nsediament umani inte'l teritori de Moriago la é proada fin da l' antighità de'l brondho, par la burida de scézene de vazi de credacota.
Inte la èpoga romana i se varìe formà i thentri abitadi che 'ncora a'l dì de ancó i pararìe conservar na tratha de la strutura de'l vilajo oridhenal che, defendest da un serajo, l'era tornià da na strada, La pararìe èserghe anca na tratha de thenturiathion inte la despozithion de le tere da la Rosper a'l slainà. De sto perìodo le é diferenti sepolture (I-II sècol).
Intant, co le invazion barbàreghe, i abitanti i se vea spostà verso loc pì seguri (i Palù, Nozledo e 'l slainà), e pasade le scorarìe i à tornà popolar i veci insediament.
El cavoloc de comun l'é menthonà par la prima olta inte'l 1112 cofà Murliago. Inte'l medioef se à asistì a la feudalidhathion de la zona, inte'l 1265 el mariga de la règola de Moriago (sot de la pieve de Sarnaja) el ghe fa dhurament de fedeltà a'l comun de Trevizo. Inte'l steso parìodo i frati de la badhìa de Vidor i scumithiéa l'òpera de bonìfega de le palù.
Sote la Repùblega Veneta, Moriago l'à pasà sote podestarìa de Vidor. Int'el 1807, sote Napoleon, se à costituì el comun odierno. Onjimoda, inte'l 1810 l'é stat reincorpà a'l comun de Vidor. L'à reciapà la só autonomìa el 1819 co 'l governo asbùrdhego.
Co la prima guera mondial Moriago el se à ciapà sù le destruthion de'l conflito. De 'sto perìodo la va thitada la inpreza eròega de'l 27 otobre 1918 cuande che le trupe de'l XXIII Corpo d'armata, sote el comando de'l dheneral Giuseppe Vaccari, le é state bone de travesar la Piave e de sfondar le linje ostroongàreghe, in chel toc de grava che da lora el sarìe stat ciamà Ìzola de i Morti.
Evoluthion demogràfega
[canbia | canbia el còdaxe]Abitanti censii
Wikimedia Commons el detien imàjini o altri file so Moriago de ła Bataja
el detien schemi gràfeghi so
| Controło de autorità | VIAF (EN) 242300311 · WorldCat Identities (EN) 242300311 |
|---|
- ↑ voze de refarensaistat.it.