Mata Hari

Mata Hari, a ł'anàgrafe Margaretha Geertruida Zelle (Leeuwarden, 7 de agosto 1876 – Vincennes, 15 de otobre 1917), la xe stà na bałerina e spia ołandexe, che la xe stà condanà a morte dai Francexi durante la prima guera mondiałe par spionajo a favore de ła Germania.

El so pseudònimo vołe dire "ocio del dì" in lengua małexe.^[1]

Margaretha Geertruida Zelle la nasea Leeuwarden, in Frixia, el 7 de agosto 1876.^[1] Inte el 1897 la spoxa un uficiałe, ma la divorsia inte el 1900.^[1]

Dopo el divorsio, la se trasferise a Parigi, dove la scumisia l'atività de bałerina preso el Salon Kireevsky.^[1] Lì la decide de adotare el psedònimo "Mata Hari".^[1]

Durante la prima guera mondiałe, i tedeschi i pensa forse de sfrutare el so fasino par na atività de dopio xugo tra Germania e Francia el diventa coxì probabimente el agente segreto H21.^[1]

Mata Hari la vien in seguito procesà dai Francexi co l'acuxa de spionajo, ma durante el processo la se proclama senpre inocente.^[1] La vien parò condanà e fuxiłà a Vincennes, viçin Parigi, a łe 4 del matino del 15 otobre 1917.^[1]

• Mata Hari (o Mata Hari, die rote die rote Tänzerin), film del 1927 direto da Friedrich Fehér, co Magda Sonja inte el roło de Mata Hari^[2]
• Mata Hari, film del 1931 direto da George Fitzmaurice, co Greta Garbo inte el roło de Mata Hari^[3]
• Mata Hari, agent H 21, film del 1964 direto da Jean-Louis Richard, co Jeanne Moreau inte el roło de Mata Hari^[4]

1. ↑ ^{1,0 1,1 1,2 1,3 1,4 1,5 1,6 1,7} Mata Hari su Biografie Online
2. ↑ http://www.imdb.com/title/tt0355757/
3. ↑ http://www.imdb.com/title/tt0023196/
4. ↑ http://www.imdb.com/title/tt0059435/

• Wikimedia Commons el detien imàjini o altri file so Mata Hari
• Scholia el detien schemi gràfeghi so Mata Hari