Monséłeze

**Monséłeze**
	; ;
Pozision
	45°14′00″N 11°45′00″E
Stato	Itàłia
Rejon	Vèneto
Provinsa	provincia de Pàdoa
Capitałe	Monselice (it)
Popołasion
Totałe	17 220 (2023)
Densità	340,52 hab./km²
Zènaro
Demònemo	monselicensi ,
Zeografia
Àrea	50,57 km²
Altitùdene	15 m
Rente a	Baon ; Arcuà Petrarca ; San Piero Viminàrio ; Este ; Parnùmia ; Sułizin ; Posonovo ; Sant'Èłena ; Bataja Terme ; Galzignan Terme ; Triban
Dati istòreghi
Dì festivo	Festa patronałe(7 de diçenbre)
Patrono	Savin de Społeto
Còdazi de identifegasion
Còdaze postałe	35043
Còdaze de matricołasion	PD
Fuzo oràrio	UTC+1 ; UTC+2
Clasifegasion climàtega	clima subtropegałe ùmido
Prefiso tełefònego	0429
ID ISTAT	028055
Còdaze catastałe de Itàlia	F382
Sito web	comune.monselice.padova.it

Monséłexe^[3] el xe un comun de 17 603 abitanti inte ła provincia de Pàdoa. Séntro de rełevansa de ła Basa Pàdoana, ła se cata ai pie dei cołe de ła Roca, al de sora del cuałe ghe xe un casteło, tirà su 'ntel'Alto Medioevo e dal grando vałor artìstego. Da sto edifisio parte na sinta de muri fata da tri sirci che i toe drénto tuto l'abità.^[4].

Oltra al casteło, a Monséłexe se cata un fià de Ceze inportanti dedicade a San Poło, San Stin, San Martin e San Tomà. Ghe xe anca dó viłe vènete, na dei Contarini e st'altra dei Marcello.

Storia

El signifegà del nome "Monséłeze" el podaria vegnere da mons silicis, łigà al'estrasion de ła piéra de sèłexe dal cołe intorno al zual a se cata el paéze, o da mons elicis (monte del'èłexe), dal nome del'àlbaro.

Ła lexenda ła cónta che Monséłeze ła saria stà fondada parfin da Osicela, un dei compagni de Antenore, méntre ghe xe n'altra version che ła fa risałire l'orìzene al scontro infrà altri du personaji del mito ła rejina Egina e'l gigante Sarpedone.^[5] In ogni cazo se sa che i primi insediaminti i xe oncora de prima, 'ntel'età del fero.

'Ntel'Età de Mezo ła sità ła xe nasesta bastansa présto respeto ai altri séntri minuri del teritorio. I Bizantini i xe stai i primi a fortifegare el cołe de ła Roca, inte el VI sècoło, che el ga avùo n'inportansa stratèjica soto i Franchi. El sistema de mura el xe sta infin parfesionà da Ezelin da Roman e daspò dai Cararezi, chei ga vosùo che Monséłeze ła fuse l'avanposto defensivo meridionałe de Pàdoa.

Inte el 1405 ła sità ła xe pasada soto ła Repùblica de Venesia, deventando łógo de sojorno par patrisi de łe fameje Marcello (a ła cuałe ghe partegneva anca el casteło^[6]), Duodo, Nani e Pisani.^[7] Durante sti tinpi ła sità ła ga visto i sui muri decorai secondo el gusto renasimentałe e, un sècoło daspò, inte el '600, el séntro ornà da ełeminti barochi.^[7]

Daspò l'intrada 'ntel'Itàlia, Monséłeze ła xe cresesta dal pónto de vista agrìcoło e industriałe afermàndose, grasie a ła só pozision, come un dei séntri più inportanti de ła Basa Pàdoana.^[7]