Mntucing hngkawas 1969 idas 3 jiyax 18 ka Jimmy Morales ga, empklaw ka hiya.

Bukung klwaan Guatemala ta sayang o kiya ka Jimmy Morales, pnaah hngkawas 2016 idas 1 jiyax 14 pnrajing kmlawa klwaan.

Jimmy Morales (Kari Spain: Jimmy Morales; kngkawas 1969 idas 3 diyax 18-), kiya ka taxa Guatemala seyjicya, hayo shlisan, Qnlhangan Jongho Cnseyng tangweyn, mniq kngkawas 2015 idas 9 diyax 6 seyngkyo soto cida mbiyax mi mangal, kiya mi mniq kngkawas 2016 psdhuwan phiyu tu50 jn soto Guatemala.

Jimmy Morales mniq Guatemala Su mntuting 1 mqrinuc tnsapah, kiya ka Malu kari cuyi niya. Jimmy Morales niqan Pyasan Tubeyhing San Carlos Kongsang qmlahang Swey sweysu sweywey mi singgaku sweywey.

Jimmy Morales pa alaw mnuda geyki treybi shlisan kiya ka wada mbanah niqan hnhangan, tuhuy qbsuran niya Sammy Morales msupu muda geyki treybi “Moralejas＂. Jimmy Morales mtuting cida ka hangan niya pa James Ernesto Morales Cabrera, kngkawas 2011 ka wada pbatas psdhu priyux hangan, kiya ka mndungus bay priyux hangan Jimmy Morales da. Kngkawas 2011 cida, Jimmy Moralesi u smruwa narac palic tiping Tang Qnlhangan Pkrana Muda Tang pusa hangan, seyngkyo Misco Sucang, wada mangal 13045 hyo, tu3 knou hyo niya. Kngkawas 2013 idas 3 cida, Jimmy Moralesi pa tumal cida u tiping Tang nina ka Qnlhangan Jongho Cnseyng, kiya wada ngalan misucang Tang dha.

Kngkawas 2015 cida Jimmy Moralesi u spuda Qnlhangan Jongho Cnseyng pusa hangan tumal seyngkyo soto. Hana rading, ini spruwi qmita ka uuda seyngkyo niya Jimmy Moralesi, binaw kcka tumn1 meytaq hyo cida u so bay snklwiyan wada mangal tubaraw bay hyo niya. Hiya u mniq kcka seyngkyo pa pkla pnsltudan malu ndan, hatay mpqbling muda, smruwa ida rngiyun ka pcahu phuqil, hantay mangal laqi nbuyas. Uxay wana niyi, hiya u ini sruwa snquri pnkngatun ka minjoku sediq Isir Maya u mnuda ka kiya. Mniq kcka tumn2 seyngkyo cida, wada niya ini baka ka brah tu1 qridin soto Sandra Torres, kiya mi wada mangal soto.

Jimmy Moralesi u wada mangal qridi dmi wada niqan 4 laqi.

Nniqan Taiwan wada mangal Cyoka Minkoku cayyu beyhing syuncang, spuda soto Cayingwen mniq kngkawas 2017 idas 1 diyax 11 psqaras pndungusw. Israel Pyasan Tubeyhing Jerusalem Hebrai Jongyu Hakasey sweywey, mnniq kngkawas 2016 idas 11 ka mnangal niya.

• List of current heads of state and government
• Hlitan na Watan Diro